வெளியானது ரஜினியின் ‘தர்பார்’ ட்ரைலர்

நடிகர் ரஜினிகாந்த் நடிப்பில் உருவாகியுள்ள  ‘தர்பார்’ திரைப்படத்தின் ட்ரைலர் இன்று மாலை வெளியானது.

ரசிகர்கள் எதிர்பார்ப்பு

‘சூப்பர் ஸ்டார்’ ரஜினிகாந்த் நடிப்பில், ஏ.ஆர். முருகதாஸ் இயக்கிக்கத்தில் உருவாகியுள்ள திரைப்படம் தர்பார். ரஜினி நடிப்பில் 167-வது திரைப்படமாக உருவாகியுள்ள இதை லைகா புரொடக்ஷன்ஸ் தயாரித்துள்ளது. ரஜினிக்கு ஜோடியாக ‘லேடி சூப்பர் ஸ்டார்’ நயன்தாரா நடித்துள்ளார். சந்தோஷ் சிவன் ஒளிப்பதிவு செய்துள்ள இப்படத்துக்கு, அனிருந் இசையமைத்துள்ளார். தர்பார் படத்தில் ரஜினி ஆதித்ய அருணாச்சலம் என்னும் கதாபாத்திரத்தில் போலீஸ் அதிகாரியாக நடித்துள்ளார். வில்லனாக பாலிவுட் நடிகர் பிரதீக் பாபர் நடித்துள்ளார்.

இத்திரைப்படமானது பொங்கல் பண்டிகையை முன்னிட்டு வரும் ஜனவரி 9-ஆம் தேதி வெளியாகிறது. இதனிடையே, படத்தின் இசை வெளியீட்டு விழா கடந்த வாரம் சனிக்கிழமை நடைபெற்றது. இதையடுத்து படத்தின் பாடல்கள் ரசிகர்கள் மத்தியில் நல்ல வரவேற்பைப் பெற்ற நிலையில், ரஜினியின் பிறந்தநாளான டிசம்பர் 12-ஆம் தேதி தர்பார் படத்தின் டிரெய்லர் வெளியாகும் என எதிர்பார்க்கப்பட்டது. ஆனால், அதுகுறித்த அறிவிப்பு எதையும் படக்குழுவினர் வெளியிடவில்லை.

டிரைலர் வெளியீடு

ஆனால் சனிக்கிழமையன்று படக்குழுவினர் வெளியிட்ட அறிவிப்பில் படத்தின் டிரைலர் இன்று மாலை 06.30 மணிக்கு வெளியாகும் என்று தெரிவிக்கப்பட்டிருந்தது. இதனால் ரசிகர்கள் பெரும் மகிழ்ச்சி அடைந்தனர். இந்நிலையில் ‘தர்பார்’ திரைப்படத்தின் டிரைலர் இன்று மாலை வெளியானது.




Leave a Reply

Your email address will not be published. Required fields are marked *