ஹர்திக் பாண்ட்யாவுக்கு போட்டியாளர் என்று நான் நினைக்கவில்லை

சிக்ஸ் அடிப்பதில் வல்வரான இடது கை பேட்ஸ்மேன் ஆல்ரவுண்டரான ஷிவம் துபே, ஹர்திக் பாண்ட்யாவுக்கு போட்டி என நினைக்கவில்லை எனத் தெரிவித்துள்ளார்.
இந்திய அணியின் வேகப்பந்து வீச்சு ஆல்ரவுண்டர் ஹர்திக் பாண்ட்யா. முதுகில் ஏற்பட்ட காயத்திற்கு அறுவை சிகிச்சை செய்துள்ள அவர், கடந்த சில மாதங்களாக ஓய்வில் இருக்கிறார்.
நியூசிலாந்துக்கு செல்லும் இந்தியா ‘ஏ’ அணியில் இடம் பிடித்துள்ளார். அவருக்குப் பதிலாக ஷிவம் துபே இந்திய அணியில் இடம் பிடித்தார். இடது கை பேட்ஸ்மேனான இவர் சிக்ஸ் அடிப்பதில் ஹர்திக் பாண்ட்யாவுக்கு இணையாக உள்ளார். மேலும் மிதமான வேகத்தில் பந்து வீசுகிறார்.
இதனால் ஹர்திக் பாண்ட்யாவின் இல்லாததை இந்திய அணி நிர்வாகம் பெரிதாக கருதவில்லை. இதற்கிடையில் ஹர்திக் பாண்ட்யாவுக்கு சரியான போட்டியாளர் ஷிவம் துபேதான் என்ற கருத்தும் நிலவி வருகிறது.
இந்நிலையில் ‘‘நான் இந்திய அணிக்காக சிறந்த ஆட்டத்தை வெளிப்படுத்தவே இங்கே வந்துள்ளேன். ஹர்திக் பாண்ட்யாவுக்கு போட்டியாளர் என்று நான் நினைக்கவில்லை’’ என்று தெரிவித்துள்ளார்.
ஐந்தாம் தேதி தொடங்கும் இலங்கை டி20 தொடருக்கான இந்திய அணியில் ஷிவம் துபே இடம் பிடித்துள்ளார். வெஸ்ட் இண்டீஸ் அணிக்கெதிரான 2-வது போட்டியில் அரைசதம் அடித்தார் என்பது குறிப்பிடத்தக்கது.

 




Leave a Reply

Your email address will not be published. Required fields are marked *