BREAKING NEWS

உருவாகி இருக்கும் கே.டி.எம். 390 டியூக் பி.எஸ்.6

கே.டி.எம். நிறுவனத்தின் 390 டியூக் மோட்டார்சைக்கிள் இரண்டு நிறங்களில் உருவாகி இருக்கிறது. இதன் முழு விவரங்களை பார்ப்போம்.
கே.டி.எம். நிறுவனத்தின் 390 டியூக் பி.எஸ்.6 மோட்டார்சைக்கிள் விரைவில் இந்திய சந்தையில் அறிமுகம் செய்யப்பட இருக்கிறது. வெளியீட்டிற்கு முன் புதிய மோட்டார்சைக்கிள் கே.டி.எம். விற்பனை மையங்களுக்கு வந்தடைந்துள்ளன. அந்த வகையில் புதிய மோட்டார்சைக்கிள் இரண்டு நிறங்களில் உருவாகி இருப்பது தெரியவந்துள்ளது.
புதிய 390 டியூக் மோட்டார்சைக்கிள் டேன்க் எக்ஸ்டென்ஷன்களில் மேட் சில்வர் நிறம் காணப்படுகிறது. இத்துடன் பியூயல் டேன்க் மேல்புறம், சப் பிரேம், பின்புறம் மற்றும் முன்புற பென்டர்களில் கருப்பு நிறம் பூசப்பட்டுள்ளது. இரண்டாவதாக வெள்ளை மற்றும் ஆரஞ்சு நிறம் பூசப்பட்டுள்ளது. இதே நிறம் பி.எஸ்.4 மாடலிலும் வழங்கப்பட்டுள்ளது.
இரண்டு நிறங்கள் தவிர மோட்டார்சைக்கிளின் கிராபிக்ஸ் புதிதாக வழங்கப்பட்டுள்ளது. புதிய நிறம் தவிர 390 டியூக் மோட்டார்சைக்கிளில் பைடைரெக்‌ஷனல் க்விக்‌ஷிப்டர் ஸ்டான்டர்டு அம்சமாக வழங்கப்பட்டுள்ளது. இதே அம்சம் 390 அட்வென்ச்சர் மாடலிலும் வழங்கப்பட்டு இருக்கிறது.
புதிய மோட்டார்சைக்கிளில் பி.எஸ்.6 விதிகளுக்கு பொருந்தும் 373சிசி, சிங்கிள் சிலிண்டர் என்ஜின் வழங்கப்படுகிறது. இதன் செயல்திறன் விவரங்கள் இதுவரை வெளியாகவில்லை. எனினும், இந்த என்ஜின் 43 பி.ஹெச்.பி. பவர் மற்றும் 37 என்.எம். டார்க் செயல்திறன் வழங்கும் என தெரிகிறது.
புதிய கே.டி.எம். 390 டியூக் மோட்டார்சைக்கிள் விலை ரூ.2.52 லட்சம் (எக்ஸ்ஷோரூம்) என நிர்ணயம் செய்யப்பட்டுள்ளது. இது ஏற்கனவே விற்பனையாகும் பி.எஸ்.4 மாடலின் விலையை விட ரூ.5,000 வரை அதிகம் ஆகும்.

 




Leave a Reply

Your email address will not be published. Required fields are marked *