BREAKING NEWS

‘மாஸ்டர்’ படத்தின் முதல் சிங்கிள் வெளியீட்டுத் தேதியை அறிவித்துள்ளது படக்குழு.

விஜய், மாளவிகா மோகனன், விஜய் சேதுபதி, அர்ஜுன் தாஸ், வி.ஜே.ரம்யா, கெளரி கிஷன் உள்ளிட்ட பலர் நடித்துள்ள இந்தப் படத்துக்கு அனிருத் இசையமைத்துள்ளார். தற்போது இந்தப் படத்தை விளம்பரப்படுத்தும் பணிகளைக் காதலர் தினத்திலிருந்து தொடங்க படக்குழு முடிவு செய்துள்ளது.

‘ஒரு குட்டி கத..’ என்ற முதல் பாடல் பிப்ரவரி 14-ம் தேதி மாலை 5 மணிக்கு வெளியாகும் என்று படக்குழு அறிவித்துள்ளது. இதனால் விஜய் ரசிகர்கள் பெரும் உற்சாகமாகியுள்ளனர். ஏப்ரல் வெளியீடு என்றாலும் இந்தப் படத்தின் ஒட்டுமொத்த உரிமையையும் லலித் குமார் கைப்பற்றியுள்ளார். மேலும், படத்தின் தொலைக்காட்சி உரிமை, டிஜிட்டல் உரிமை, இசை உரிமை என அனைத்துமே முதலிலேயே விற்பனையாகிவிட்டது.

‘மாஸ்டர்’ படத்துக்குப் போட்டியாக ‘சூரரைப் போற்று’ திரைப்படம் வெளியாகவுள்ளது. தற்போது ‘சூரரைப் போற்று’ படத்தின் முதல் பாடல் விமானத்தில் வெளியீடு, சென்னை விமான நிலையத்தில் பத்திரிகையாளர் சந்திப்பு எனத் திட்டமிடப்பட்டுள்ளது. அதற்குப் போட்டியாக ‘மாஸ்டர்’ படக்குழு இந்த அறிவிப்பை வெளியிட்டுள்ளதாகவே கருதப்படுகிறது.




Leave a Reply

Your email address will not be published. Required fields are marked *