BREAKING NEWS

ஒன்பிளஸ் ஸ்மார்ட்போன்களுக்கு அசத்தல் தள்ளுபடி அறிவிப்பு

ஒன்பிளஸ் நிறுவனம் தனது புதிய ஸ்மார்ட்போன்களை வாங்குவோருக்கு சிறப்பு தள்ளுபடி வழங்குவதாக அறிவித்துள்ளது.இந்தியாவில் ஒன்பிளஸ் நிறுவனம் தனது ஐந்தாவது ஆண்டு விழாவை கொண்டாடும் வகையில், தனது சாதனங்களுக்கு சிறப்பு சலுகைகளை அறிவித்துள்ளது.

புதிய சலுகைகளின் படி ஒன்பிளஸ் 7 ப்ரோ மற்றும் ஒன்பிளஸ் 7டி ஸ்மார்ட்போன்களின் விலை குறைக்கப்பட்டுள்ளது.இத்துடன் தேர்வு செய்யப்பட்ட வங்கி கார்டுகளை கொண்டு பணம் செலுத்தும் போது அதிகபட்சம் ரூ.5,000 வரை தள்ளுபடி வழங்கப்படுகிறது. புதிய சலுகை டிசம்பர் 2-ம் தேதி வரை வழங்கப்படுகிறது.ஒன்பிளஸ் 7 ப்ரோ ஸ்மார்ட்போனின் 6 ஜி.பி. ரேம் மாடல் விலை ரூ.5000 குறைக்கப்பட்டு தற்சமயம் ரூ.39,999 விலையில் விற்பனை செய்யப்படுகிறது. இதன் பிளாக்‌ஷிப் வேரியண்ட் 8 ஜி.பி. ரேம், 256 ஜி.பி. மெமரி மாடல் ரூ.3000 விலை குறைக்கப்பட்டு தற்சமயம் ரூ.42,999 விலையில் விற்பனை செய்யப்படுகிறது.

இத்துடன் தேர்வு செய்யப்பட்ட வங்கி கார்டுகளை கொண்டு பணம் செலுத்தும் போது அதிகபட்சம் ரூ.2000 வரை தள்ளுபடி வழங்கப்படுகிறது. இந்த ஸ்மார்ட்போன் நெபுளா புளூ, அல்மாண்ட் மற்றும் மிரர் கிரே என மூன்று நிறங்களில் கிடைக்கிறது. இத்துடன் பழைய ஸ்மார்ட்போன்களை எக்சேன்ஜ் செய்யும் போது ரூ.7000 வரை தள்ளுபடி பெற முடியும்.சமீபத்தில் இந்தியாவில் அறிமுகமான ஒன்பிளஸ் 7டி ஸ்மார்ட்போனின் 8 ஜி.பி. ரேம், 128 ஜி.பி. மெமரி மாடல் ரூ.37,999 விலையில் விற்பனை செய்யப்பட்டது.

தற்சமயம் இந்த ஸ்மார்ட்போன் ரூ.34,999 விலையில் விற்பனை செய்யப்படுகிறது. இதன் பிளாக்‌ஷிப் வேரியண்ட் ரூ.37,999 விலையில் விற்பனை செய்யப்படுகிறது.இத்துடன் தேர்வு செய்யப்பட்ட வங்கி கார்டுகளை கொண்டு பணம் செலுத்தும் போது அதிகபட்சம் ரூ.1,500 வரை தள்ளுபடி வழங்கப்படுகிறது. இந்த ஸ்மார்ட்போன் பிராஸ்ட்டெட் சில்வர் மற்றும் கிளேசியர் புளூ என இரண்டு நிறங்களில் கிடைக்கிறது.




Leave a Reply

Your email address will not be published. Required fields are marked *