BREAKING NEWS

பாப் அப் செல்பி கேமரா கொண்ட மோட்டோரோலா ஒன் ஹைப்பர் ஸ்மார்ட்போன்

மோட்டோரோலா நிறுவனத்தின் பாப் அப் செல்பி கேமரா ஸ்மார்ட்போன் மோட்டோரோலா ஒன் ஹைப்பர் என்ற பெயரில் விரைவில் அறிமுகமாக இருப்பதாக தகவல் வெளியாகியுள்ளது.மோட்டோரோலா ஒன் ஹைப்பர் ஸ்மார்ட்போன் டிசம்பர் 3-ம் தேதி அறிமுகம் செய்யப்பட இருக்கிறது.

பாப் அப் செல்பி கேமரா கொண்ட புதிய ஸ்மார்ட்போன் முதற்கட்டமாக பிரேசில் நாட்டில் அறிமுகம் செய்யப்பட இருக்கிறது. புதிய ஸ்மார்ட்போனின் வெளியீட்டை டீசர் மூலம் அந்நிறுவனம் அறிவித்துள்ளது.புதிய மோட்டோரோலா ஸ்மார்ட்போனில் 32 எம்.பி. செல்பி கேமரா, குவால்காம் ஸ்னாப்டிராகன் 675 பிராசஸர் வழங்கப்படலாம் என எதிர்பார்க்கப்படுகிறது. இது விவோ வி15 ப்ரோ, ரியல்மி எக்ஸ், ரெட்மி கே20 போன்ற ஸ்மார்ட்போன்களுக்கு போட்டியை ஏற்படுத்தும் வகையில் இருக்கும் என கூறப்படுகிறது.

முன்னதாக இந்த ஸ்மார்ட்போன் அமெரிக்காவின் எப்.சி.சி. வலைத்தளத்தில் XT2027-1 எனும் மாடல் நம்பருடன் காணப்பட்டது. இதில் புதிய மோட்டோ ஸ்மார்ட்போன் 6.69 இன்ச் டிஸ்ப்ளே கொண்டிருக்கும் என்றும் என்.எஃப்.சி. வசதி கொண்டிருக்காது என கூறப்பட்டிருந்தது.மோட்டோரோலா ஒன் ஹைப்பர் ஸ்மார்ட்போனில் புல் ஹெச்.டி. பிளஸ் ஐ.பி.எஸ். டிஸ்ப்ளே, ஸ்னாப்டிராகன் 675 பிராசஸர், 4 ஜி.பி. ரேம், 128 ஜி.பி. மெமரி, மெமரியை கூடுதலாக நீட்டிக்கும் வசதி வழங்கப்படலாம். புகைப்படங்களை எடுக்க பின்புறம் 64 எம்.பி. பிரைமரி சென்சாருடன், 8 எம்.பி. இண்டாவது சென்சார் வழங்கப்படும் என கூறப்படுகிறது.

ஸ்மார்ட்போனின் முன்புறம் 32 எம்.பி. பாப்அப் ரக செல்பி கேமரா, f/2.0 லென்ஸ் வழங்கப்படலாம். மோட்டோரோலா ஒன் ஹைப்பர் ஸ்மார்ட்போனும் கூகுளின் ஆண்ட்ராய்டு ஒன் பிராண்டிங் கொண்டிருக்கும் என்றும் இதில் ஆண்ட்ராய்டு 10 வசதி வழங்கப்படலாம் என கூறப்படுகிறது. இத்துடன் யு.எஸ்.பி. டைப்சி போர்ட், ஃபாஸ்ட் சார்ஜிங் வசதி மற்றும் 3.5 எம்.எம். ஹெட்போன் ஜாக் வழங்கப்படலாம்.




Leave a Reply

Your email address will not be published. Required fields are marked *