BREAKING NEWS

100 எம்.பி. கேமரா கொண்ட சியோமி ஸ்மார்ட்போன்

சியோமி நிறுவனத்தின் புதிய ஸ்மார்ட்போன் விவரங்கள் இணையத்தில் லீக் ஆகியுள்ளது. அதில் புதிய ஸ்மார்ட்போன் 100 எம்.பி. கேமரா கொண்டிருக்கும் என தெரிவிக்கப்பட்டுள்ளது.

சியோமி நிறுவனத்தின் புதிய Mi மிக்ஸ் 4 ஸ்மார்ட்போன் விவரங்கள் இணையத்தில் லீக் ஆகியுள்ளது. சாம்சங், ஹூவாய் மற்றும் ஆப்பிள் நிறுவனங்கள் தங்களின் பிளாக்‌ஷிப் மாடல்களை அறிமுகம் செய்து வரும் நிலையில், சியோமியும் இந்த பட்டியலில் இணைகிறது.

அந்த வகையில் சியோமி தனது Mi மிக்ஸ் 4 மாடலை அறிமுகம் செய்ய இருக்கிறது. இதுவரை கிடைத்திருக்கும் தகவல்களில் புதிய ஸ்மார்ட்போனில் மேம்பட்ட டிஸ்ப்ளே, சிறப்பான கேமரா ஹார்டுவேர் மற்றும் புதிய வசதிகள் வழங்கப்படும் என தெரிகிறது.

புதிய Mi மிக்ஸ் 4 ஸ்மார்ட்போனில் வாட்டர்பால் ஸ்கிரீன் வழங்கப்படுகிறது. இதேபோன்ற ஸ்கிரீன் நெக்ஸ் 3 மாடலிலும் வழங்கப்பட்டிருக்கிறது. இந்த டிஸ்ப்ளே 90 ஹெர்ட்ஸ் ரிப்ரெஷ் ரேட் கொண்டிருக்கும். சிறப்பான புல் ஸ்கிரீன் டிஸ்ப்ளே வழங்க செல்பி கேமரா பாப்அப் வகையில் வழங்கப்படலாம்.

புகைப்படங்களை எடுக்க 108 எம்.பி. திறன் கொண்ட கேமராவினை சியோமி வழங்கும் என கூறப்படுகிறது. ஏற்கனவே சியோமி மற்றும் சாம்சங் அதிக திறன் கொண்ட கேமராவினை உருவாக்கும் பணிகளில் ஈடுபட்டுள்ளதாக தகவல்கள் வெளியாகின. இதனால் புதிய Mi மிக்ஸ் மாடலில் சியோமி 108 எம்.பி. சென்சாரை வழங்கலாம்.

இத்துடன் சியோமி Mi மிக்ஸ் 4 மாடலில் 40 வாட் ஃபாஸ்ட் சார்ஜிங் வசதியுடன் வரும் என எதிர்பார்க்கப்படுகிறது. இது வயர்லெஸ் சார்ஜிங் கொண்டிருக்குமா அல்லது வழக்கமான வயர் சார்ஜர் கொண்டிருக்குமா என்பது குறித்து இதுவரை எவ்வித தகவலும் இல்லை. முன்னதாக சியோமி தனது Mடி சார்ஜ் டர்போ 30 வாட் வயர்லெஸ் சார்ஜிங் தொழில்நுட்பத்தை அறிமுகம் செய்தது.




Leave a Reply