BREAKING NEWS

ஹோன்டா காருக்கு ரூ. 2.5 லட்சம் வரை தள்ளுபடி

ஹோன்டா நிறுவனம் தனது சிவிக் கார் மாடலுக்கு ரூ. 2.5 லட்சம் வரை தள்ளுபடி வழங்குவதாக அறிவித்திருக்கிறது.

ஹோன்டா நிறுவனம் கடந்த ஆண்டு மார்ச் மாதத்தில் அறிமுகம் செய்த சிவிக் கார் முந்தைய வெர்ஷன்களை போன்ற வரவேற்பை பெறவில்லை. இந்திய ஆட்டோமொபைல் சந்தையில் ஏற்பட்டுள்ள மந்தநிலை காரணமாக வாகன விற்பனை தொடர்ந்து சரிந்து வருகிறது.

அறிமுகமானது முதல் இதுவரை ஹோன்டா நிறுவனம் 3459 யூனிட்களை மட்டுமே விற்பனை செய்திருக்கிறது. இது இந்த ஆண்டு மார்ச் முதல் ஜூலை வரையிலான காலக்கட்டத்தில் விற்பனை செய்யப்பட்டவை ஆகும். இந்தியாவில் ஹோன்டா சிவிக் துவக்க விலை ரூ.17.94 லட்சம் (எக்ஸ்ஷோரூம்) துவங்கி டாப் எண்ட் மாடல் விலை ரூ.22.35 லட்சம் என நிர்ணயம் செய்யப்பட்டுள்ளது.

விற்பனை சரிவை காரணம் காட்டி ஹோன்டா நிறுவனம் சிவிக் காரை வாங்குவோருக்கு ரூ.2.5 லட்சம் வரையிலான சலுகைகளை வழங்குகிறது. ஹோன்டா சிவிக் பேஸ் பெட்ரோல் V (ரூ.17.94 லட்சம்) காரை வாங்கும் வாடிக்கையாளர்களுக்கு ரூ.2 லட்சம் வரை தள்ளுபடி வழங்கப்படுகிறது.

இதுதவிர சிவிக் VX மற்றும் ZX வேரியண்ட்கள் (முறையே ரூ.19.45 லட்சம் மற்றும் ரூ.21.25 லட்சம்) வாங்குவோருக்கு ரூ.25,000 வரை எக்சேஞ்ச் சலுகை வழங்கப்படுகிறது. டீசல் சிவிக் VX மற்றும் ZX (முறையே ரூ.20.55 லட்சம் மற்றும் ரூ.22.35 லட்சம்) கார் வாங்குவோருக்கு ரூ.2.5 லட்சம் வரை தள்ளுபடி வழங்கப்படுகிறது.

புதிய ஹோன்டா சிவிக் கார் 141 பி.ஹெச்.பி. பவர் வழங்கும் 1.8 லிட்டர் பெட்ரோல்சிவிடி என்ஜின், 120 பி.ஹெச்.பி. பவர் வழங்கும் 1.6 லிட்டர் டீசல் மேனுவல் ஆப்ஷன்களில் கிடைக்கிறது.




Leave a Reply