BREAKING NEWS

ரூ.101 கோடி இழப்பீடு கேட்டு ரஜினி மீது வழக்கு.

ரஜினிகாந்தின் ‘காலா’ படத்திற்கு எதிராக நீதிமன்றத்திலிருந்து புதிய நோட்டீஸ் ஒன்று அனுப்பப்பட்டிருப்பது அதில் ரஜினியிடம் ரூ.101 கோடி இழப்பீடு கேட்கப்பட்டு உள்ளது.

தாராவி

பா.ரஞ்சித் இயக்கத்தில், ரஜினிகாந்த் நடிப்பில் உருவாகியுள்ள திரைப்படம் ‘காலா’. தமிழகத்தின் திருநெல்வேலியில் இருந்து மும்பைக்கு சென்று, அங்கு தமிழர்கள் அதிகம் வசிக்கும் தாராவிப் பகுதியில் செல்வாக்குடன் வாழ்ந்து மறைந்தவர் திரவியம் நாடார். காலா திரைப்படம் அவரது வாழ்வினை அடிப்டையாகக் கொண்டது என்று கூறப்பட்டது.

இந்நிலையில் ரஜினிகாந்தின் ‘காலா’ படத்திற்கு எதிராக, திரவியம் நாடார் குடும்பம் சார்பாக நீதிமன்றத்திலிருந்து புதிய நோட்டீஸ் ஒன்று அனுப்பப்பட்டிருப்பது, மீண்டும் சிக்கலை ஏற்படுத்தியுள்ளது.

நோட்டீஸ்

இது தொடர்பாக மும்பை கிழக்கு சியான் பகுதியில் வசிக்கும், மறைந்த திரவியம் நாடாரின் மகன் ஜவகர் நாடார் மற்றும் அவருடைய குடும்பத்தினர் சார்பில், உச்ச நீதிமன்ற வழக்கறிஞர் டாக்டர் சையத் எஜாஸ் அப்பாஸ் நக்வி என்பவர் மூலமாக, ரஜினிகாந்துக்கு குறிப்பிட்ட வக்கீல் நோட்டீஸ் அனுப்பப்பட்டு உள்ளது. அதில், ‘காலா’ என்ற பெயரில் எடுக்கப்பட்ட திரைப்படம் தூத்துக்குடி மாவட்டத்தைச் சேர்ந்த திரவியம் நாடாரின் நற்பெயருக்கும், அவரது குடும்பத்தினருக்கும் இழுக்கு ஏற்படுத்துவது போல அமைந்துள்ளது.

மன்னிப்பு

இந்த நோட்டீஸ் கிடைத்த 36 மணி நேரத்துக்குள் இதுவரை ‘காலா’ படம் மற்றும் அதன் கதை குறித்து நீங்கள் பொதுவில் கூறி வந்த கருத்துகளுக்கு மறுப்பு தெரிவித்து என் கட்சிக்காரரின் குடும்பத்தினரிடம் பகிரங்கமாக மன்னிப்பு கோரவேண்டும் இல்லை என்றால் வழக்கு தொடரப்படும் படம் வெளியாக அனுமதிக்க மாட்டேம். அவதூறுக்காக ரஜினி ரூ.101 கோடி இழப்பீடு தரவேண்டும்.

இவ்வாறு அதில் தெரிவிக்கப்பட்டு உள்ளது.

சிக்கல்

இந்த நீதிமன்ற நோட்டீசின் பிரதி தேசிய பிற்படுத்தப்பட்ட வகுப்பினருக்கான தேசிய ஆணையம் மற்றும் தணிக்கை குழுவுக்கும் அனுப்பப்பட்டு உள்ளதாகத் கூறப்படுகிறது. காலா திரைப்படம் வரும் வியாழக்கிழமை வெளிவரும் என்று அறிவிக்கப்பட்டு உள்ள நிலையில் இந்த நோட்டீஸ் அனுப்பட்டதின் மூலம் காலா திரைப்படம் வெளியிடுவதில் சிக்கல் ஏற்பட்டு உள்ளதாக கூறப்படுகிது.




Leave a Reply