BREAKING NEWS

மோடி நிகழ்ச்சியை ஒளிபரப்பாத தூர்தர்‌ஷன் பெண் அதிகாரி சஸ்பெண்டு

சென்னை ஐ.ஐ.டி.யில் பிரதமர் மோடி பங்கேற்ற நிகழ்ச்சியை ஒளிபரப்பாத தூர்தர்ஷன் பெண் அதிகாரியை சஸ்பெண்டு செய்து பிரசார் பாரதியின் தலைமை செயல் அதிகாரி நடவடிக்கை எடுத்துள்ளார்.

பட்டமளிப்பு விழா

பிரதமர் மோடி கடந்த 30-ந்தேதி சென்னை ஐ.ஐ.டி.யில் நடந்த பட்டமளிப்பு விழாவில் பங்கேற்று மாணவ-மாணவிகளுக்கு பட்டங்களை வழங்கி பேசினார். இந்தியா மற்றும் சிங்கப்பூர் நாடுகள் இணைந்து நடத்திய ஹேக்கத்தான் தொழில்நுட்ப போட்டியில் வெற்றி பெற்றவர்களுக்கு பிரதமர் மோடி பரிசுகளை வழங்கி பேசினார்.

மாணவ-மாணவிகளிடம் பிரதமர் மோடி பேசிய போது, “உலகில் மிகவும் பழமையான மொழி தமிழ்” என குறிப்பிட்டார். மேலும் தமிழர்களின் விருந்தோம்பல் பண்பு மிகவும் சிறப்பானது எனவும், தமிழர்களின் கலாச்சாரம், பாரம்பரியம் ஆகியவை மிகவும் சிறப்பு வாய்ந்தது” என பெருமிதத்துடன் கூறினார்.

பெண் அதிகாரி சஸ்பெண்டு

பிரதமர் மோடியின் பேச்சை அரசு தொலைக்காட்சியான தூர்தர்‌ஷனில் நேரலை செய்யவில்லை என புகார் எழுந்தது. இதுகுறித்து நிகழ்ச்சி ஒளிபரப்பு பிரிவின் உதவி இயக்குனர் வசுமதியிடம் பிரசார் பாரதி அதிகாரிகள் விசாரணை நடத்தினர். அப்போது மோடியின் நிகழ்ச்சிகளை 18 கேமிராக்கள் மூலம் ‘ரெக்கார்டு’ செய்து தூர்தர்‌ஷனில் ஒளிபரப்பு செய்தது தெரிய வந்தது. ஆனால் நேரலை செய்யாதது குறித்து விசாரணை நடத்தியதில் உரிய பதிலை சம்பந்தப்பட்டவர்கள் தெரிவிக்கவில்லை.

இந்த நிலையில் உதவி இயக்குனர் வசுமதியை சஸ்பெண்டு செய்து பிரசார் பாரதியின் தலைமை செயல் அதிகாரி சசி ஷேகர் நடவடிக்கை எடுத்துள்ளார்.




Leave a Reply

Your email address will not be published. Required fields are marked *