BREAKING NEWS

மைக்ரோசாப்ட் நிறுவனத்தின் சர்பேஸ் லேப்டாப் 3 சீரிஸ், சர்பேஸ் ப்ரோ 7 அறிமுகம்

மைக்ரோசாப்ட் நிறுவனம் புதிய சர்பேஸ் லேப்டாப் 3 சீரிஸ் மற்றும் சர்பேஸ் ப்ரோ 7 மாடல்களை அறிமுகம் செய்தது.

மைக்ரோசாப்ட் சர்பேஸ் சாதனங்கள்

மைக்ரோசாப்ட் நிறுவனம் சர்பேஸ் 2019 நிகழ்வில் பல்வேறு புதிய சாதனங்களை அறி்முகம் செய்தது. நியூ யார்க் நகரில் நடைபெற்ற நிகழ்வில் சர்பேஸ் ப்ரோ எக்ஸ், சர்பேஸ் நியோ, சர்பேஸ் டுயோ மற்றும் விண்டோஸ் 10 எக்ஸ் உள்ளிட்டவற்றை அறிமுகம் செய்தது.

மைக்ரோசாப்ட் சர்பேஸ் லேப்டாப் 3 விவரங்கள்:

மைக்ரோசாப்ட் சர்பேஸ் லேப்டாப் 3 மற்றும் சர்பேஸ் ப்ரோ 7 டேப்லெட் உள்ளிட்டவையும் அறிமுகம் செய்யப்பட்டன. புதிய சர்பேஸ் லேப்டாப் 3 சிரிஸ் 13.5 இன்ச் மற்றும் 15இன்ச் டிஸ்ப்ளேக்களில் கிடைக்கின்றன. இவற்றுடன் 10-ம் தலைமுறை இன்டெல் கோர் பிராசஸர்கள் வழங்கப்படுகின்றன.

இதுதவிர சேன்ட்ஸ்டோன் மற்றும் கோபால்ட் என இரண்டு புதிய நிறங்களில் கிடைக்கிறது. இவை மெஷின்டு அலுமினியம் பினிஷ் செய்யப்பட்டுள்ளது. இத்துடன் புதிய ஏ.எம்.டி. ரைஸன் சர்ஃபேஸ் எடிஷனும் அறிமுகம் செய்யப்பட்டது. புதிய சர்பேஸ் லேப்டாப் 3 மாடல்களில் ஒற்றை யு.எஸ்.பி. டைப்சி போர்ட் வழங்கப்பட்டுள்ளன.

புதிய லேப்டாப்களில் டிராக்பேட் அளவு 20 சதவிகிதம் வரை அதிகரிக்கப்பட்டு, பாஸ்ட் சார்ஜிங் தொழில்நுட்பம் வழங்கப்பட்டுள்ளது. இதனால் லேப்டாப்களை 0 முதல் 80 சதவிகிதம் வரை சார்ஜ் செய்ய ஒரு மணி நேரம் மட்டுமே போதும். இத்துடன் முன்புற கேமராக்களும் மேம்படுத்தப்பட்டுள்ளன.

இத்துடன் ஆம்னிசோனிக் ஸ்பீக்கர்கள், டூயல் பார் பீல்டு ஸ்டூடியோ மைக்குகள் வழங்கப்பட்டுள்ளன. இதன் 13 இன்ச் மாடல் விலை 999 டாலர்கள் (இந்திய மதிப்பில் ரூ. 71,151) என்றும் 15 இன்ச் மாடல் விலை 1199 டாலர்கள் (இந்திய மதிப்பில் ரூ.85,395) என நிர்ணயம் செய்யப்பட்டுள்ளன.

சர்பேஸ் லேப்டாப் 3 சீரிஸ் போன்றே ப்ரோ 7 மாடல்களிலும் 10 ஆம் தலைமுறை இன்டெல் கோர் பிராசஸர்கள் வழங்கப்பட்டுள்ளன. இத்துடன் யு.எஸ்.பி. டைப்ஏ, யு.எஸ்.பி. டைப்சி போர்ட்கள் வழங்கப்பட்டுள்ளன. இதன் யு.எஸ்.பி. டைப்சி போர்ட் 4K மாணிட்டர்களுடன் இணையும் வசதி கொண்டிருக்கிறது. இதன் விலை 749 டாலர்கள் (இந்திய மதிப்பில் ரூ.53,345) முதல் துவங்குகிறது.




Leave a Reply

Your email address will not be published. Required fields are marked *