BREAKING NEWS

மேம்பட்ட அதிநவீன அம்சங்களுடன் மெர்சிடஸ் பென்ஸ் சி கிளாஸ்

மெர்சிடிஸ் பென்ஸ் நிறுவனத்தின் புதிய சி கிளாஸ் கார் அதிநவீன மேம்பட்ட சிறப்பம்சங்களை கொண்டிருக்கிறது.

சொகுசு கார்கள் தயாரிப்பில் முன்னணியில் உள்ள மெர்சிடஸ் நிறுவனம் தனது தயாரிப்புகளில் ஒன்றான ‘சிகிளாஸ்’ கார்களை மேம்படுத்தி பல்வேறு புதிய வசதிகளுடன் அறிமுகம் செய்துள்ளது.

முன்னதாக சிகிளாஸ் மாடலை மெர்சிடிஸ் நிறுவனம் கடந்த ஆண்டு அறிமுகம் செய்தது. தற்போது இதே காரில் டீசலில் இயங்கும் மாடல்களும் அறிமுகமாகியுள்ளது. இதன் விலை சுமார் ரூ.49.50 லட்சம் என நிர்ணயம் செய்யப்பட்டுள்ளது. இது முந்தைய மாடலைக் காட்டிலும் ரூ.1 லட்சம் வரை விலை அதிகமாகும்.

புதிய சி கிளாஸ் மாடலின் முன்புற மற்றும் பின்புற பம்பர்களில் மாற்றம் செய்யப்பட்டுள்ளன. இதில் 18 இன்ச் ஸ்போக் அலாய் சக்கரம் உள்ளது. வயர்லெஸ் போன் சார்ஜர், இனிய இசையை வழங்க 225 வாட் ஆம்ப்ளிபயருடன் 9 ஸ்பீக்கர்கள் உள்ளன. அதேசமயம் 12 அங்குல டிஜிட்டல் இன்ஸ்ட்ருமென்ட் கிளஸ்டர் உள்ளது.

மெர்சிடிஸ் சி கிளாஸ் காரில் சி300.டி. மாடல் கார் 2 லிட்டர், நான்கு சிலிண்டர் என்ஜின் வழங்கப்பட்டுள்ளது. இந்த என்ஜின் பி.எஸ்6. விதி சோதனைக்கு ஏற்ற வகையில் தயாரிக்கப்பட்டுள்ளது. இது 245 ஹெச்.பி. திறனும், 500 நியூட்டன் மீட்டர் டார்க் இழுவிசையும் கொண்டது. ஆட்டோமேடிக் கியர் பாக்ஸ் வசதியைக் கொண்டது.

புதிய மெர்சிடிஸ் கார் பி.எம்.டபிள்யூ. 3 சீரிஸ், ஆடி ஏ4, ஜாகுவார் எக்ஸ்.இ. ஆகிய மாடல்களுக்குப் போட்டியாக இருக்கும் என்று தெரிகிறது.




Leave a Reply