BREAKING NEWS

மின்சாரத்தில் இயங்கும் மக்கள் ஆட்டோ சென்னையில் அறிமுகம்

ஒருமுறை சார்ஜ் செய்தால் அதிகபட்சம் 100 கிலோ மீட்டர் வரை ஓடும் மின்சார ஆட்டோ சென்னையில் அறிமுகம் செய்யப்பட்டது.

இந்தியாவில் அதிகரித்து வரும் காற்று மாசு காரணமாக பல்வேறு நகரங்கள் மற்றும் தலைநகர் பகுதிகளில் பெட்ரோல், டீசலில் இயங்கும் ஆட்டோக்களை எலக்ட்ரிக் ஆட்டோவாக மாற்றும் பணி தீவிரமாக நடந்து வருகிறது. இதன் காரணமாக மின்சார ஆட்டோக்கள் பயன்பாடு சந்தையில் அதிகரித்து வருகிறது.

இதில் மஹிந்திரா நிறுவனம் மின்சாரத்தில் இயங்கும் இரண்டு மாடல் ஆட்டோக்களை அறிமுகம் செய்துள்ளது. ட்ரியோ மற்றும் ட்ரியோ யாரீ என பெயரிடப்பட்டுள்ள இந்த ஆட்டோவில் நான்கு பயணிகளை ஏற்றிச் செல்லக்கூடிய வகையில் ஷேர் ஆட்டோ பயன்பாட்டிலான அமைப்பை பெற்றுள்ளது.

ட்ரியோ ஆட்டோ வழக்கமாக மூன்று பயணிகள் அமர்ந்து பயணிக்கும் வடிவமைப்பை கொண்டுள்ளது. ஐ.பி.67 தொழில்நுட்பம் பெற்ற இந்த ஆட்டோ தூசு மற்றும் தண்ணீரில் இருந்து பாதுகாக்கக்கூடிய வகையிலான பேட்டரிகளை பெற்றுள்ளது. இவை லித்தியம் அயன் ரக பேட்டரிகள் ஆகும். அதிகபட்சமாக 45 கிலோ மீட்டர் வேகத்தில் செல்லும் இந்த ட்ரியோ ஆட்டோ 30 என்.எம். டார்க் திறனை வெளிப்படுத்தும்.

இந்த வகையில் மக்கள் ஆட்டோ நிறுவனம் பழைய பெட்ரோல் ஆட்டோக்களை எலக்ட்ரிக் ஆட்டோவாக மாற்றும் பணிகளில் ஈடுபட்டுள்ளது. மின்சார ஆட்டோவை இயக்குவதில் முன்னணியில் இருக்கும் இந்நிறுவனம் முழுமையாக மாற்றப்பட்ட எலக்ட்ரிக் ஆட்டோவை சென்னையில் அறிமுகம் செய்துள்ளது.




Leave a Reply