BREAKING NEWS

பிரபல நைஜீரிய நடிகர், டெல்லி விமானநிலையத்தில் கைது

பாலிவுட் திரைப்படங்களில் நடித்துள்ள நைஜீரியாவைச் சேர்ந்த பிரபல நடிகர் ஓலமிலேகன் எம் அக்னபி ஓஜோராவை, சிஐஎஸ்எப் அதிகாரிகள் டெல்லி விமான நிலையத்தில் கைது செய்தனர். அவர், இந்திரா காந்தி சர்வதேச விமான நிலையத்தில் அதிகாலை 4 மணியளவில் டெர்மினல் பகுதியில் சுற்றிக்கொண்டிருந்த போது அங்கிருந்த பாதுகாவலர்களால் பிடித்து விசாரிக்கப்பட்டார். அந்த நடிகர், விஸ்டாரா ஏர்லைன்ஸ் விமானத்தில் கோவாவுக்கு செல்லவதற்கான டிக்கெட் வைத்திருந்தார்.

இதையடுத்து அவரிடம் விசாரித்த போது, அவரது விசா காலாவதியானது கண்டுபிடிக்கப்பட்டது.இதையடுத்து சிஐஎஸ்எப் அதிகாரிகள், பின்னர் குடியேற்ற மற்றும் மத்திய புலனாய்வு அமைப்புகளை தொடர்பு கொண்டு நைஜீரிய நடிகரின் விசா 2011ல் காலாவதியானதை உறுதி செய்தனர். பின்னர் அவரை கைது செய்தனர்.”கைது செய்யப்பட்ட நைஜீரிய நடிகர் சில பாலிவுட் திரைப்படங்களில் நடித்துள்ளார்.

மேலும் அவரது நாட்டிலும் மிகவும் பிரபலமானவராக திகழ்கிறார். ஆனால், அவர் இந்தியாவில் சட்டவிரோதமாக வசித்து வந்தார்” என்று சிஐஎஸ்எப் மூத்த அதிகாரி ஒருவர் தெரிவித்தார். இந்நிலையில், விசாரணைக்காக அவர் புலனாய்வுப் பிரிவினரிடம் ஒப்படைக்கப்பட்டுள்ளதாகவும் அவர் கூறினார்.




Leave a Reply

Your email address will not be published. Required fields are marked *