BREAKING NEWS

நதிகளைப் பாதுகாக்க அரசுகள் நடவடிக்கை எடுக்க வேண்டும் என, இந்திய கம்யூனிஸ்ட் கட்சியின் மூத்தத் தலைவரான ஆர். நல்லகண்ணு வலியுறுத்தினார்.

 

மதவாதிகள்

குற்றாலத்தில் தமிழ்நாடு ஒடுக்கப்பட்டோர் வாழ்வுரிமை இயக்க மாநிலக் குழுக் கூட்டம் நேற்று நடைபெற்றது. முன்னதாக, அமைப்பின் மாநிலத் தலைவரும், இந்திய கம்யூனிஸ்ட் கட்சியின் மூத்தத் தலைவருமான நல்லகண்ணு நிருபர்களிடம் பேசுகையில், தாமிரவருணியில் மகாபுஷ்கரம் நடத்தப்போவதாக அறிவித்துள்ளனர்.

விழாவுக்கு மதவாதிகள், ஆன்மிகவாதிகள் வருவதாகத் தெரிவித்துள்ளனர். மகாபுஷ்கர விழா 142 ஆண்டுகளுக்கு முன்பு நடைபெற்றதாகத் தெரியவில்லை. தாமிரவருணி நதிக்கென தனித்தன்மை உள்ளது. அதனால், மத விழாவாகவும், ஐதீக விழாவாகவும் நடத்துவது பொருத்தமாக இல்லை.

மணல் கொள்ளை

விதிமுறைகளை மீறி மணல் கொள்ளையடிக்கப்பட்டு, பல நதிகள் அழிக்கப்பட்டுவிட்டன. தனியார் நிறுவனங்களுக்கு பல லட்சம் லிட்டர் தண்ணீர் வழங்கப்படுகிறது. இதனால் குடிக்கவும், விவசாயத்துக்கும் தண்ணீர் கிடைப்பதில் சிக்கல் உள்ளது.

விழா கொண்டாடுவதோடு நின்றுவிடாமல், விவசாயம், குடிநீருக்கு தண்ணீா் கிடைக்கவும், தனியார் நிறுவனங்களுக்கு தண்ணீா் வழங்குவதை நிறுத்தவும், நதிகளைப் பாதுகாக்கவும் நடவடிக்கை மேற்கொள்ள வேண்டும் என்றார் அவர்.

\




Leave a Reply