BREAKING NEWS

தூத்துக்குடி ஆட்சியர் அலுவலக வளாகத்தில் 277 அரசு ஊழியர்களை காக்கவே துப்பாக்கிச்சூடு – உயர் நீதிமன்றத்தில் டி.ஜி.பி பதில் மனு.

 

தூத்துக்குடி ஆட்சியர் அலுவலகத்தில் இருந்த 277 அரசு ஊழியர்களை காப்பாற்றவே துப்பாக்கிச்சூடு நடத்தப்பட்டதாக சென்னை உயர் நீதிமன்றத்தில் தமிழக போலீஸ் டி.ஜி.பி டி.கே ராஜேந்திரன் பதில் மனு தாக்கல் செய்துள்ளார்.

துப்பாக்கிச்சூடு

தூத்துக்குடி துப்பாக்கிச்சூடு தொடர்பாக சி.பி.ஐ விசாரணைக்கு உத்தரவிட வேண்டும் என நாம் தமிழர் கட்சியின் ஒருங்கிணைப்பாளர் சீமான் சென்னை உயர் நீதிமன்றத்தில் தொடர்ந்த வழக்கில், தமிழக டி.ஜி.பி டி.கே ராஜேந்திரன் நேற்று பதில் மனு தாக்கல் செய்தார்.

அதில், துப்பாக்கிச்சூடு நடந்த அன்று தூத்துக்குடி ஆட்சியர் அலுவலகத்தில் சுமார் 20 ஆயிரத்திற்கும் அதிகமானோர் கூடினர். அவர்களை கலைக்க எடுக்க முயன்ற அனைத்து முயற்சிகளும் தோல்வியில் முடிந்தன. அலுவலகத்தில் இருந்த 277 ஊழியர்களை காப்பாற்றவே துப்பாக்கிச்சூடு நடத்தப்பட்டது என தெரிவிக்கப்பட்டுள்ளது.

பாதுகாப்பு

மேலும், ஸ்டெர்லைட் வளாக குடியிருப்பில் இருந்த 150 குடும்பங்களையும் பாதுகாக்கும் பொருட்டு துப்பாக்கிச்சூடு நடத்தப்பட்டதாகவும் கூறப்பட்டுள்ளது.

தூத்துக்குடி துப்பாக்கி சூடு சம்பவம் தொடர்பான விசாரணை நியாயமான முறையில் நடக்கிறது. அதனால் சி.பி.ஐ விசாரணை தேவையில்லை எனவும் அந்த பதில் மனுவில் குறிப்பிடப்பட்டு உள்ளது.




Leave a Reply