BREAKING NEWS

தமிழகத்தில் தொழில் தொடங்க 15 நிறுவனங்களுடன் புரிந்துணர்வு ஒப்பந்தங்கள் முதல்-அமைச்சர் எடப்பாடி பழனிசாமியில் ைகயெழுத்தானது

தமிழகத்தில் புதியதாக தொழில் தொடங்க 15 நிறுவனங்களுடன் முதல்-அமைச்சர் எடப்பாடி பழனிசாமி முன்னிலையில் புரிந்துணர்வு ஒப்பந்தங்கள் நேற்று கையெழுத்தானது. மேலும், 3 நிறுவனங்கள் தொடங்கப்பட்டதுடன், 5 நிறுவனங்களுக்கு அடிக்கல் நாட்டப்பட்டது. ரூ.7,715 கோடியே 71 லட்சம் மதிப்பிலான இந்த முதலீடுகள் மூலம், 45,846 நபர்களுக்கு வேலைவாய்ப்புகள் ஏற்படும்.

புரிந்துணர்வு ஒப்பந்தங்கள்

தமிழ்நாடு முதலமைச்சர் எடப்பாடி பழனிசாமி முன்னிலையில் தலைமைச் செயலகத்தில், தொழில் துறை சார்பில் 5,573 கோடியே 89 லட்சம் ரூபாய் முதலீட்டில் சுமார் 28,566 நபர்களுக்கு வேலைவாய்ப்பு அளிக்கக்கூடிய வகையில் புதிய தொழில் திட்டங்களை துவங்கிட 15 தொழில் நிறுவனங்களுடன் நேற்று புரிந்துணர்வு ஒப்பந்தங்கள் கையெழுத்திடப்பட்டன.

கோயம்புத்தூரில் உள்ள ஆர்.கே.ஜி. தொழிற் பூங்காவில், 50 கோடி ரூபாய் முதலீட்டில், சுமார் 200 நபர்களுக்கு வேலைவாய்ப்பு அளிக்கும் வகையில், மகில் எலக்ட்ரிக் டிரைவஸ் இந்திய நிறுவனத்தின் ஸ்ட்டர்மோட்டர்ஸ் அண்ட் கண்ட்ரோலர்ஸ் உற்பத்தி திட்டம். சென்னை, சோழிங்கநல்லூரில், 336 கோடி ரூபாய் முதலீட்டில், சுமார் 16,000 நபர்களுக்கு வேலைவாய்ப்பு அளிக்கும் வகையில், இன்போசிஸ் பிரைவேட் லிமிடெட் நிறுவனத்தின் தகவல் தொடர்பு மற்றும் தகவல் தொடர்பு சேவைத் திட்டம்.

காற்றாலை, வாகன உற்பத்தி தொழில்

திருவள்ளூர், கும்மிடிப்பூண்டி, மஹிந்திரா தொழில் பூங்காவில், 79 கோடியே 82 லட்சம் ரூபாய் முதலீட்டில், சுமார் 150 நபர்களுக்கு வேலைவாய்ப்பு அளிக்கும் வகையில், ஜப்பான் நாட்டைச் சேர்ந்த நிசி எலக்ட்ரிக் இந்தியா பிரைவேட் லிமிடெட் நிறுவனத்தின் மின்சார பணிக்கான உபரி பாகங்கள் உற்பத்தி திட்டம். காஞ்சிபுரம், சிப்காட் வல்லம் வடகால் தொழில் பூங்காவில், 69 கோடி ரூபாய் முதலீட்டில், சுமார் 100 நபர்களுக்கு வேலைவாய்ப்பு அளிக்கும் வகையில், தென் கொரிய நாட்டைச் சேர்ந்த யங்வாடெக் நிறுவனத்தின் மின்சார வாகன உதிரிபாகங்கள் உற்பத்தி திட்டம்.

காஞ்சிபுரத்தில், ஒரகடம், ஹிரநந்தனி கிரீன்பேஸ் இண்டஸ்ட்ரியல் அண்ட் லாஜிஸ்டிக்ஸ் பார்க்கில் 626 கோடி ரூபாய் முதலீட்டில், சுமார் 500 நபர்களுக்கு வேலைவாய்ப்பு அளிக்கும் வகையில், வேஸ்ட்டாஸ் நிறுவனத்தின் காற்றாலை விசையாழி உற்பத்தி திட்டம். தூத்துக்குடி, மேலகரந்தையில், 250 கோடி ரூபாய் முதலீட்டில், சுமார் 300 நபர்களுக்கு வேலைவாய்ப்பு அளிக்கும் வகையில் ஸ்ரீவாரி எனர்ஜிசிஸ்டம் நிறுவனத்தின் காற்றாலை விசையாழி உற்பத்தி திட்டம்.

ஆயத்த ஆடை, சிறப்பு வர்த்தக கிடங்கு

திண்டுக்கல், கன்னியாபுரத்தில், 182 கோடியே 50 லட்சம் ரூபாய் முதலீட்டில், சுமார் 450 நபர்களுக்கு வேலைவாய்ப்பு அளிக்கும் வகையில், அம்பிகா காட்டன் மில்ஸ் நிறுவனத்தின் ஆயத்த ஆடைகள் மற்றும் நூற்பாலை உற்பத்தி திட்டம். சென்னை, எண்ணூரில் 1,529 கோடியே 57 லட்சம் ரூபாய் முதலீட்டில், சுமார் 6,600 நபர்களுக்கு வேலைவாய்ப்பு அளிக்கும் வகையில் வெங்கடேஸ்கோக் நிறுவனத்தின் சிறப்பு வர்த்தக கிடங்கு மண்டலம்.

எஸ்.எச்.வி. எனர்ஜி நிறுவனத்தால், 590 கோடி ரூபாய் முதலீட்டில், சுமார் 500 நபர்களுக்கு வேலை வாய்ப்பு அளிக்கும் வகையில், கோயம்புத்தூர் கள்ளிப்பாளையத்தில் நிறுவப்படவுள்ள எல்.பி.ஜி. பாட்லிங் பிளாண்ட் மற்றும் தூத்துக்குடியில் நிறுவப்படவுள்ள எல்.பி.ஜி. இம்போர்ட் டெர்மினல் விரிவாக்கம் திட்டங்கள். திருவள்ளூர், மீஞ்சூரில் 292 கோடி ரூபாய் முதலீட்டில், சுமார் 1,000 நபர்களுக்கு வேலை வாய்ப்பு அளிக்கும் வகையில் என்.டி.ஆர். உள்கட்டமைப்பு தனியார் நிறுவனத்தின் சிறப்பு வர்த்தக கிடங்கு, உட்கட்டமைப்பு மண்டலம்.

ஆட்டோமொபைல், நூற்பாலை

காஞ்சிபுரம், ஸ்ரீபெரும்புதூரில் உள்ள மண்ணூரில் 500 கோடி ரூபாய் முதலீட்டில் சுமார் 1,000 நபர்களுக்கு வேலைவாய்ப்பு அளிக்கும் வகையில், ஜெ மாதாதீ பிரிடிரேடு ஜோன் நிறுவனத்தின் சிறப்பு வர்த்தக கிடங்கு மண்டலம். காஞ்சிபுரம், ஸ்ரீபெரும்புதூரில் உள்ள சிப்காட் பிள்ளைப்பாக்கம் தொழிற்பூங்காவில், 118 கோடி ரூபாய் முதலீட்டில், சுமார் 391 நபர்களுக்கு வேலைவாய்ப்பு அளிக்கும் வகையில் பி.எஸ்.எச். ஹவுஸ் அப்ளையன்ஸ் மேனுபேக்சரிங் நிறுவனத்தின் ஆராய்ச்சி மற்றும் வளர்ச்சித் திட்டம்.

காஞ்சிபுரம் படப்பை, புதுக்கோட்டை விராலிமலை மற்றும் சிவகங்கை சிங்கம்புணரி ஆகிய 3 இடங்களில், 511 கோடி ரூபாய் முதலீட்டில், சுமார் 600 நபர்களுக்கு வேலைவாய்ப்பு அளிக்கும் வகையில், எம்.எம்.பார்க்கிங்ஸ் நிறுவனத்தின் ஆட்டோமொபைல் உதிரி பாகங்கள் உற்பத்தி திட்டம். நாமக்கல், பள்ளிப்பாளையத்தில், 390 கோடி ரூபாய் முதலீட்டில், சுமார் 475 நபர்களுக்கு வேலைவாய்ப்பு அளிக்கும் வகையில், பி.கே.பி.என். தொழில் நிறுவனத்தின் நூற்பாலை மற்றும் ஆயத்த ஆடைகள் தயாரிக்கும் திட்டம்.

ரூ.5,573 கோடியே 89 லட்சம்

வேலூர், காட்பாடியில் உள்ள மூடப்பட்ட தமிழ்நாடு தொழில் வெடிமருந்து நிறுவனத்தை மீண்டும் துவக்கும் வகையில், மத்திய அரசின் நவரத்தின நிறுவனங்களில் ஒன்றான பாரத் எலெக்ட்ரானிக்ஸ் லிமிடெட் நிறுவனம் குத்தகை அடிப்படையில் 50 கோடி ரூபாய் முதலீட்டில், சுமார் 300 நபர்களுக்கு வேலைவாய்ப்பு அளிக்கும் வகையில், தமிழ்நாடு தொழில் வெடிமருந்து நிறுவனத்துடன் இணைந்து வெடிமருந்து தயாரிக்கும் திட்டம் என மொத்தம், 5,573 கோடியே 89 லட்சம் ரூபாய் முதலீட்டில், சுமார் 28,566 நபர்களுக்கு வேலைவாய்ப்பு அளிக்கும் வகையில் புதிய தொழில் திட்டங்களை துவக்கிட 15 தொழில் நிறுவனங்களுடன் முதல்-அமைச்சர் எடப்பாடி பழனிசாமி முன்னிலையில் புரிந்துணர்வு ஒப்பந்தங்கள் கையெழுத்தானது.

121 கோடியே 12 லட்சம்

உலக முதலீட்டாளர்கள் மாநாடு 2019ல் கையெழுத்திடப்பட்ட புரிந்துணர்வு ஒப்பந்தத்தின்படி, 121 கோடியே 12 லட்சம் ரூபாய் முதலீட்டில், சுமார் 1,280 நபர்களுக்கு வேலைவாய்ப்பு அளிக்கும் வகையில் கீழ்க்கண்ட நிறுவனங்களுக்கான வணிக உற்பத்தியை முதலமைச்சர் எடப்பாடி பழனிசாமி நேற்று துவக்கி வைத்தார். அதன் விவரம் வருமாறு :-

கோயம்புத்தூர், சூலூர், கல்லாப்பாளையம் பகுதியில் 20 கோடியே 12 லட்சம் ரூபாய் முதலீட்டில் சுமார் 580 நபர்களுக்கு வேலைவாய்ப்பு அளிக்கும் வகையில் நிஸ்வின் புட்ஸ் நிறுவனத்தின் கோதுமை மாவு அரைக்கும் ஆலை.

ஈரோடு, பெருந்துறை தொழிற்பூங்காவில் 39 கோடி ரூபாய் முதலீட்டில் சுமார் 500 நபர்களுக்கு வேலைவாய்ப்பு அளிக்கும் வகையில் ஜே.எஸ். ஆட்டோ கேஸ்ட் நிறுவனத்தின் இயந்திர வார்ப்பு. காஞ்சிபுரம் மாவட்டம், சிப்காட் வல்லம் வடகால் தொழிற்பூங்காவில் 62 கோடி ரூபாய் முதலீட்டில் சுமார் 200 நபர்களுக்கு வேலைவாய்ப்பு அளிக்கும் வகையில் ஐ.டி.டபிள்யூ இந்தியா நிறுவனத்தின் ஆட்டோமொபைல் உதிரி பாகங்கள் உற்பத்தி தொழிற்சாலை.

அடிக்கல்

உலக முதலீட்டாளர்கள் மாநாடு 2019ல் கையெழுத்திடப்பட்ட புரிந்துணர்வு ஒப்பந்தத்தின்படி, 1,250 கோடி ரூபாய் முதலீட்டில், சுமார் 15,200 நபர்களுக்கு வேலைவாய்ப்பு அளிக்கும் வகையில் கீழ்க்கண்ட நிறுவனங்களுக்கு முதலமைச்சர் எடப்பாடி பழனிசாமி நேற்று அடிக்கல் நாட்டினார்.

காஞ்சிபுரம், சிப்காட் சிறுசேரி தகவல் தொழில்நுட்ப பூங்காவில் 900 கோடி ரூபாய் முதலீட்டில், சுமார் 15,000 நபர்களுக்கு வேலைவாய்ப்பு அளிக்கும் வகையில் அமையவுள்ள டாடா டி.சி.எஸ். நிறுவனத்தின் தகவல் தொழில்நுட்ப திட்டம். திருவண்ணாமலை, சிப்காட் செய்யாறு தொழில் பூங்காவில் 350 கோடி ரூபாய் முதலீட்டில், சுமார் 200 நபர்களுக்கு வேலைவாய்ப்பு அளிக்கும் வகையில் அமையவுள்ள ஸ்விங் ஸ்டெட்டர் இந்தியா நிறுவனத்தின் கட்டுமான உபகரணங்கள் தயாரிக்கும் திட்டம்.

நிறுவன தொடக்கம்

காஞ்சிபுரம், சிப்காட், வல்லம் வடகால் தொழிற்பூங்காவில் 107 கோடியே 58 லட்சம் ரூபாய் முதலீட்டில் சுமார் 320 நபர்களுக்கு வேலை வாய்ப்பு அளிக்கும் வகையில் அமையவுள்ள சுகமி பிரிசிசன் என்ஜினீயரிங் இந்தியா நிறுவனத்தின் சி.என்.சி. மிஷின் உபகரணங்கள் தயாரிக்கும் திட்டம். வேலூர், ராணிப்பேட்டை சிப்காட் தொழிற்பூங்காவில் 64 கோடியே 62 லட்சம் ரூபாய் முதலீட்டில் சுமார் 130 நபர்களுக்கு வேலைவாய்ப்பு அளிக்கும் வகையில் அமையவுள்ள ஆலேக் நிறுவனத்தின் மாஸ்டர் பேச்சஸ் உற்பத்தி திட்டம்.

திருவண்ணாமலை மாவட்டம், சிப்காட் செய்யாறு தொழில் பூங்காவில் 58 கோடியே 50 லட்சம் ரூபாய் முதலீட்டில், சுமார் 350 நபர்களுக்கு வேலைவாய்ப்பு அளிக்கும் வகையில் அமையவுள்ள கால்வா டெக்கோபார்ட்ஸ் நிறுவனத்தின் பிளாஸ்டிக் மேல்டிக் மற்றும் குரோம்பிளேட்டிங் உற்பத்தி திட்டம்.

ரூ.7,175 கோடி

முதலமைச்சர் எடப்பாடி பழனிசாமியால் நேற்று தொழில் துறை சார்பில் 15 புரிந்துணர்வு ஒப்பந்தங்கள், 3 தொழில் நிறுவனங்களின் வணிக உற்பத்தி துவக்கம், 5 தொழில் நிறுவனங்களுக்கு அடிக்கல் நாட்டுதல் மூலமாக மொத்தம் 7,175 கோடியே 71 லட்சம் ரூபாய் முதலீடுகளும், 45,846 நபர்களுக்கு புதிய வேலைவாய்ப்பும் தமிழ்நாட்டில் ஏற்படும் வாய்ப்பு உருவாகியுள்ளது. இந்த நிகழ்ச்சியில் தொழில்துறை அமைச்சர் எம்.சி.சம்பத், தலைமைச் செயலாளர் சண்முகம் உள்ளிட்டோர் பங்கேற்றனர்.




Leave a Reply

Your email address will not be published. Required fields are marked *