BREAKING NEWS

ஜார்கண்டில் பா.ஜ.க அரசை கண்டித்து போராட்டம் – ஐக்கிய ஜனதா தளம் கட்சி அறிவிப்பு.

பா.ஜ.க தலைமையிலான ஜனநாயக கூட்டணியில் மற்றும் பீகாரில் கூட்டணி ஆட்சியில் இருக்கும் ஐக்கிய ஜனதா தளம் கட்சி, ஜார்கண்ட் மாநில பா.ஜ.க அரசை கண்டித்து போராட்டம் தொடங்க உள்ளது.

கூட்டணி

பா.ஜ.க தலைமையிலான தேசிய ஜனநாயக கூட்டணியில் நிதிஷ் குமாரின் ஐக்கிய ஜனதா தளம் கட்சி அங்கம் வகிக்கிறது. மேலும், பீகாரில் இந்த 2 கட்சிகளும் இணைந்து கூட்டணி ஆட்சி அமைத்துள்ளன. இந்நிலையில், ஐக்கிய ஜனதா தளம் கட்சியின் ஜார்கண்ட் மாநில பிரிவு அம்மாநில பா.ஜ.க அரசுக்கு எதிராக கொடி பிடித்துள்ளது.

பீகாரை விட ஜார்காண்ட் அதிக கனிம வளங்களை கொண்டது. ஆனாலும், மக்களின் அடிப்படை தேவைகள் பூர்த்தி செய்யப்படவில்லை.

போராட்டம்

இதனை கண்டித்து மாநிலம் முழுவதும் வரும் 25-ந் தேதி போராட்டம் தொடங்க உள்ளோம். பீகாரில் மட்டுமே எங்கள் கட்சி பா.ஜ.க.வுடன் கூட்டணி வைத்து உள்ளது, ஜார்கண்டில் இல்லை. வரும் நாடாளுமன்ற தேர்தலில் தனித்து போட்டியிடுவோம் என அம்மாநில ஐக்கிய ஜனதா தளம் கட்சி பொறுப்பாளர் ஷரவன் குமார் தெரிவித்துள்ளார்.




Leave a Reply