BREAKING NEWS

சுழலும் கேமராவுடன் கேலக்ஸி ஸ்மார்ட்போன் அறிமுகம்

சாம்சங் நிறுவனம் தனது கேலக்ஸி ஏ80 ஸ்மார்ட்போனினை அறிமுகம் செய்துள்ளது. இது கேலக்ஸி ஏ சீரிசின் டாப்-எண்ட் மாடல் ஆகும்.
புதிய கேலக்ஸி ஏ80 ஸ்மார்ட்போனில் 6.7 இன்ச் ஃபுல் ஹெச்.டி. பிளஸ் இன்ஃபின்ட்டி சூப்பர் AMOLED டிஸ்ப்ளே வழங்கப்பட்டுள்ளது. இத்துடன் ஆக்டா-கோர் ஸ்னாப்டிராகன் 730ஜி சிப்செட், 8 ஜி.பி. ரேம் வழங்கப்பட்டுள்ளது. புகைப்படங்களை எடுக்க சுழலும் கேமரா மாட்யூல் வழங்கப்பட்டுள்ளது.
இதில் 48 எம்.பி. பிரைமரி கேமரா, f/2.0, 8 எம்.பி. 123° அல்ட்ரா வைடு-ஆங்கிள் லென்ஸ், 3D டெப்த் கேமரா வழங்கப்பட்டுள்ளது. பயனர்கள் இந்த ஸ்மார்ட்போனில் செல்ஃபி மோட் தேர்வு செய்தால், மூன்று கேமராக்களும் பாப்-அப் முறையில் மேல் எழுந்து பின் முன்புறமாக சுழலும்.
3D கிளாஸ் பாடி மற்றும் மெட்டல் ஃபிரேம் கொண்டிருக்கும் கேலக்ஸி ஏ80 ஸ்மார்ட்போனில் இன்-டிஸ்ப்ளே கைரேகை சென்சார் மற்றும் 3700 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடனஅ 25 வாட் சூப்பர் ஃபாஸ்ட் சார்ஜிங் வசதி கொண்டிருக்கிறது.

 




Leave a Reply