BREAKING NEWS

கோயம்பேடு மார்க்கெட்டில் தக்காளி விலை கிலோ ரூ.7 ஆக வீழ்ச்சி .

 

 

மார்க்கெட்

சென்னையில் காய்கறிகள் விலை படிப்படியாக குறைந்து வருகிறது. ஆந்திரா, கர்நாடகா மாநிலங்களில் இருந்து அதிகளவு காய்கறிகள் வருவதால் ஒரு சில காய் கறிகள் விலை வீழ்ச்சி அடைந்துள்ளன.

தக்காளி, முட்டைகோஸ், நூல்கோல், புடலங்காய், கத்தரிக்காய், வாழைக்காய், முருங்கைக்காய், பீட்ரூட் போன்ற காய்கறிகள் வரத்து அதிகமாக இருப்பதால் விலை குறைந்து வருகிறது.

இதில் தக்காளி விலை கடந்த 10 நாட்களாக படிப்படியாக குறைந்து வருகிறது. கிலோ ரூ.20, ரூ.15-க்கு விற்கப்பட்ட தக்காளி இன்று ரூ.7 ஆக சரிந்தது. கோயம்பேடு மார்க்கெட்டில் 3 கிலோ தக்காளி ரூ.25-க்கு கூவி கூவி விற்பனை செய்கிறார்கள்.

காய்கறிகள்

மார்க்கெட்டிற்கு வழக்கமாக 300 முதல் 320 லாரிகளில் காய்கறிகள் வரும். ஆனால் தற்போது கூடுதலாக 50 லாரிகளில் தக்காளி வருவதால் விலை குறைந்துள்ளது. தக்காளி விலை வீழ்ச்சி அடைந்துள்ளது குறித்து தக்காளி வியாபாரி தியாகராஜன் கூறியதாவது:-

கோயம்பேடு மார்க்கெட்டிற்கு வழக்கத்தை விட 70 லாரிகளில் கூடுதலாக தக்காளி வருகிறது. ஆந்திரா, கர்நாடகா மாநிலங்களில் இருந்து அதிக வரத்து இருப்பதே இந்த விலை வீழ்ச்சிக்கு காரணம். கேரளாவிற்கு செல்லக்கூடிய தக்காளி வெள்ளபாதிப்பால் சென்னைக்கு திருப்பி விடப்பட்டுள்ளது. இன்னும் அதிகளவு வரத்து இருந்தால் மேலும் குறைய வாய்ப்பு உள்ளது என்றார்.

கோயம்பேடு மார்க் கெட்டில்இன்றைய மொத்த விற்பனை விலையில் காய் கறிகள் விவரம் வருமாறு:-

கத்தரிக்காய்

தக்காளி (கிலோ) – ரூ.7, கத்தரிக்காய் – ரூ.15, முட்டைகோஸ் – ரூ.10, பீட்ரூட் – ரூ.10 சவ்சவ் – ரூ.15, கோவக்காய் – ரூ.15, கொத்தவரங்காய் – ரூ.15, புடலங்காய் – ரூ.15, முள்ளங்கி – ரூ.10, உருளைக்கிழங்கு – ரூ.25, கேரட் – ரூ.30, வாழைக்காய் – ரூ.5, நூல்கோல் – ரூ.15, முருங்கைக்காய் – ரூ.15, சேனை கிழங்கு – ரூ.25, சுரக்காய் – ரூ.10, பெரிய வெங்காயம் – ரூ.15, சின்ன வெங்காயம் – ரூ.50, பச்சை மிளகாய் – ரூ.20, வெள்ளரிக்காய் – ரூ.10, இஞ்சி (பழையது) – ரூ.80, இஞ்சி (புதியது) – ரூ.30.




Leave a Reply