BREAKING NEWS

குடியரசு தலைவர் , பிரதமர் அனுதாபம் பாக்ஸ் டெல்லி எய்ம்ஸ் மருத்துவமனையில் அருண்ஜெட்லி மரணம் : நாளை இறுதிச்சடங்கு வெளிநாட்டு சுற்றுப்பயணத்தை முடித்துக்கொண்டு மோடி நாளை டெல்லி திரும்புகிறார்

டெல்லி எய்ம்ஸ் மருத்துவ மனையில் சிகிச்சை பெற்று வந்த முன்னாள் நிதி அமைச்சர் அருண்ஜெட்லி இன்று மரணம் அடைந்தார். அவரது உடலுக்கு நாளை இறுதிச்சடங்குகள் நடக்கிறது. இதற்காக, வெளிநாட்டு சுற்றுப்பயணத்தை முடித்துக்கொண்டு, பிரதமர் நரேந்திர மோடி நாளை டெல்லி திரும்புகிறார்.

பாஜக மூத்த தலைவரும், முன்னாள் நிதியமைச்சருமான அருண் ஜெட்லி சுவாசக்கோளாறு உள்ளிட்ட பிரச்சினையால் கடந்த 9ம் தேதி இரவு டெல்லி எய்ம்ஸ் மருத்துவமனையில் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வந்தபோதிலும் எதிர்பார்த்த அளவுக்கு முன்னேற்றம் இல்லை.

இதற்கிடையே திடீரென அவரின் உடல்நிலையில் பின்னடைவு ஏற்பட்டதையடுத்து, கடந்த செவ்வாய்கிழமை முதல் செயற்கை சுவாசம், எக்மோ கருவி ஆகியவற்றின் உதவியுடன் சிகிச்சையில் இருந்து வந்தார்.

அருண் ஜெட்லியின் உடல்நலம் குறித்து பிரதமர் மோடி, ஜனாதிபதி ராம்நாத் கோவிந்த், பாஜக மூத்ததலைவர் எல்.கே.அத்வானி, மத்திய அமைச்சர்கள், பாஜக மூத்த நிர்வாகிகள் பலர் சென்று மருத்துவமனையில் விசாரித்து வந்தனர்.

மத்திய அமைச்சர்கள் அமித் ஷா, ராஜ்நாத் சிங், ஸ்மிருதி இராணி, ஜிதேந்திர சிங், ராம் விலாஸ் பாஸ்வான், டெல்லி முதல்வர் கேஜ்ரிவால், உ.பி. முதல்வர் ஆதித்யநாத், காங்கிரஸ் மூத்த தலைவர் அபிஷேக் சிங்வி, ஜோதிர்ஆதித்யா சிந்தியா,ஆர்எஸ்எஸ் தலைவர் மோகன் பாகவத் உள்ளிட்ட பலர் வந்து உடல்நலன் குறித்து விசாரித்து சென்றனர்.

கடந்த திங்கட்கிழமை உத்தரகாண்ட் முதல்வர் திரிவேந்திர சிங் ராவத், உ.பி. கவர்னர் அனந்திபென் படேல், பிகார் துணை முதல்வர் சுஷில்குமார் மோடி, டெல்லி ஆளுநர் அனில் பைஜால், மேனகா காந்தி ஆகியோர் நேரில் சென்று ஜெட்லியின் உடல்நலம் குறித்து விசாரித்தனர்.

கடந்த 10ம் தேதியில் இருந்து ஜெட்லியின் உடல்நலன் குறித்து எய்ம்ஸ் நிர்வாகம் எந்தவிதமான அறிக்கையும் ஊடகங்களுக்கு அளிக்கவில்லை. இருப்பினும் ஜெட்லியின் உடல் நிலையை, பல்வேறு பிரிவுகள் கொண்ட சிறப்பு மருத்துவர்கள் குழு கண்காணித்து வருகின்றனர்.

இந்நிலையில், ஜெட்லியின் உடல்நிலை நேற்று முந்தினம் இரவிலிருந்து மிகவும் மோசமடைந்து வருவதாக எய்ம்ஸ் மருத்துவமனை வட்டாரங்கள் தெரிவித்தன இந்த நிலையில் அவர் நேற்று காலை காலமானதாக எய்ம்ஸ் மருத்துவமனை அறிவித்து உள்ளது.

எய்ம்ஸ் மருத்துவமனையில் சிகிச்சை பெற்று வந்த அருண் ஜெட்லி நேற்று சிகிச்சை பலனின்றி உயிரிழந்தார். பிற்பகல் 12.07 மணியளவில் ஜெட்லி உயிரிழந்துவிட்டதாக எய்ம்ஸ் மருத்துவமனை அதிகாரப்பூர்வமாக அறிவித்துள்ளது.

அருண் ஜெட்லி மறைவு செய்தி கேட்டதும் வெளிநாட்டு பயணத்தை முடித்துக்கொண்டு இன்று நாடு திரும்புகிறார் பிரதமர் மோடி.

முன்னாள் நிதியமைச்சர் அருண் ஜெட்லியின் மறைவைத் தொடர்ந்து சென்னையிலிருந்து நெல்லூருக்கு புறப்படவிருந்த துணை ஜனாதிபதி வெங்கையா நாயுடு தனது பயணத்தை ரத்து செய்து விட்டு டெல்லிக்குத் திரும்புகிறார்.

அருண் ஜெட்லி மறைவுக்கு பல்வேறு தலைவர்கள் இரங்கல் தெரிவித்து உள்ளனர்.

ஜனாதிபதி ராம்நாத் கோவிந்த் வெளியிட்டு உள்ள இரங்கல் செய்தியில் ,நோயுடன் துணிச்சலுடனும், கண்ணியத்துடனும் போராடிய அருண் ஜெட்லியின் மரணம் மிகுந்த வருத்தம் அளிக்கிறது. ஒரு சிறந்த வழக்கறிஞர், ஒரு அனுபவமுள்ள நாடாளுமன்ற உறுப்பினர் மற்றும் ஒரு புகழ்பெற்ற அமைச்சர், அவர் தேசத்தைக் கட்டியெழுப்புவதில் மகத்தான பங்களிப்பை வழங்கி உள்ளார்.

அருண் ஜெட்லி ஆர்வம் மற்றும் படித்த புரிதலுடன், மிகவும் கடுமையான பொறுப்பை நிறைவேற்றும் தனித்துவமான திறனைக் கொண்டிருந்தார்.

அவர் கடந்து சென்றது நமது பொது வாழ்க்கையிலும், நமது அறிவுசார் சுற்றுச்சூழல் அமைப்பிலும் பெரும் வெற்றிடத்தை ஏற்படுத்துகிறது. அவரது குடும்பத்தினருக்கும் அவரது நண்பர்களுக்கும் எனது இரங்கல் என கூறி உள்ளார்.

பிரதமர் மோடி வெளியிட்டு உள்ள இரங்கல் செய்தியில், முழு வாழ்க்கையிலும், புத்திசாலித்தனமும், சிறந்த நகைச்சுவை உணர்வும் மற்றும் கவர்ச்சியும் கொண்ட அருண் ஜெட்லி ஜி சமூகத்தின் அனைத்து பிரிவுகளிலும் உள்ள மக்களால் போற்றப்பட்டார். இந்தியாவின் அரசியலமைப்பு, வரலாறு, பொதுக்கொள்கை, ஆளுகை மற்றும் நிர்வாகம் குறித்த அறிவை கொண்டவர்.

தனது நீண்ட அரசியல் வாழ்க்கையில், அருண் ஜெட்லி ஜி பல மந்திரி பொறுப்புகளை வகித்தார். அது இந்தியாவின் பொருளாதார வளர்ச்சியில் பங்களிக்கவும், நமது பாதுகாப்பு திறன்களை வலுப்படுத்தவும், மக்கள் நட்பு சட்டங்களை உருவாக்கவும் மற்றும் பிற நாடுகளுடன் வர்த்தகத்தை மேம்படுத்தவும் உதவியது.

அருண் ஜெட்லி ஜி ஒரு சிறந்த அரசியல்வாதி, உயர்ந்த அறிவார்ந்த மற்றும் சட்ட நுணுக்கம் அறிந்தவர், அவர் இந்தியாவுக்கு நீடித்த பங்களிப்பை வழங்கிய ஒரு வெளிப்படையான தலைவராக இருந்தார்.

அவர் காலமானது மிகவும் வருத்தமளிக்கிறது. அவரது மனைவி சங்கீ ஜி மற்றும் மகன் ரோஹன் ஆகியோரிடம் பேசினேன், இரங்கல் தெரிவித்தேன். ஓம் சாந்தி என கூறி உள்ளார்.

உள்துறை அமைச்சர் அமித் ஷா வெளியிட்டு உள்ள இரங்கல் செய்தியில்,அருண்ஜெட்லி ஜியின் மறைவு ஆழ்ந்த வேதனை அளிக்கிறது. இது எனக்கு தனிப்பட்ட இழப்பு ஆகும். கட்சியின் மூத்த தலைவரை மட்டுமல்லாமல், ஒரு முக்கியமான குடும்ப உறுப்பினரையும் நான் இழந்துவிட்டேன், அவர் எப்போதும் எனக்கு வழிகாட்டும் ஒளியாக இருப்பார் என கூறி உள்ளார்.

மத்திய அமைச்சர் ஸ்மிரிதி இராணி கூறி உள்ள இரங்கல் செய்தியில், அவர் சிறந்த சொற்பொழிவாளராக விளங்கினார், நுணுக்க சட்ட அறிவு உடையவர். அருண் ஜெட்லி ஜி தேசத்திற்கும், ஜன சங்கத்துக்கும் அர்ப்பணிப்பு மற்றும் வைராக்கியத்துடன் சேவை செய்தார். அவருக்கு எனது அஞ்சலி. அன்புக்குரியவர்களுக்கு இரங்கல். ஓம் சாந்தி என கூறி உள்ளார்.

டெல்லி முதல்வர் அரவிந்த கெஜ்ரிவால் வெளியிட்டு உள்ள இரங்கல் செய்தியில், முன்னாள் நிதி அமைச்சர் மற்றும் மூத்த தலைவரான எஸ்.அருண் ஜெட்லி ஜியின் அகால மரணம் தேசத்திற்கு மிகப்பெரிய இழப்பாகும். சட்டம் மற்றும் ஒரு அனுபவமிக்க அரசியல் தலைவர். தனது ஆளுகை திறன்களுக்காக அறியப்படுபவர். துக்கத்தின் இந்த தருணத்தில் அவரது குடும்பத்தினருக்கு எனது ஆழ்ந்த இரங்கலையும், பிரார்த்தனைகளையும் தெரிவித்து கொள்கிறேன் என கூறி உள்ளார்.

மத்திய அமைச்சர் சுரேஷ் பிரபு வெளியிட்டு உள்ள இரங்கல் செய்தியில், எங்கள் அன்பான நண்பர், சட்ட மூளை உடையவர், கூர்மையான மனம், புத்திசாலித்தனமான மூலோபாயவாதி, அனுபவமுள்ள அரசியல்வாதி, முன்மாதிரியான நாடாளுமன்ற உறுப்பினர், அவரை ஒருபோதும் மறக்க முடியாது, ஓம் சாந்தி என கூறி உள்ளார்.

நிதி அமைச்சர் நிர்மலா சீதாராமன் வெளியிட்டு உள்ள இரங்கல் செய்தியில், அருண் ஜெட்லியின் இழப்பை எந்த வார்த்தைகளாலும் விவரிக்க முடியாது. நம்மில் பலருக்கு வழிகாட்டியாக இருந்தார். தார்மீக ஆதரவும் பலமும் அளித்து வந்தார். அவரிடமிருந்து அதிகம் கற்றுக்கொண்டேன்.

சிறந்த பெரிய, இதயமுள்ள நபர். அனைவருக்கும் உதவ எப்போதும் தயாராக இருப்பார். அவரது புத்திசாலித்தனம், மதிநுட்பம் ஆகியவற்றுக்கு யாரையும் ஒப்பிட முடியாது என கூறி உள்ளார்.

காங்கிரஸ் கட்சி வெளியிட்டு உள்ள இரங்கல் செய்தியில், அருண் ஜெட்லி காலமான செய்தியை கேட்டு நாங்கள் மிகவும் வருத்தப்படுகிறோம். அவரது குடும்பத்தினருக்கு எங்கள் இரங்கல். துக்கத்தின் இந்த நேரத்தில் நம் எண்ணங்களும் பிரார்த்தனைகளும் அவர்களுடன் உள்ளன என கூறப்பட்டு உள்ளது.

மேற்கு வங்க முதல்வர் மம்தா பானர்ஜி வெளியிட்டுள்ள இரங்கல் ட்வீட்டில்,அருண் ஜெட்லி ஜி காலமானது மிகுந்த வருத்தம் அளிக்கிறது. அவர் ஒரு சிறந்த நாடாளுமன்ற உறுப்பினர் மற்றும் ஒரு சிறந்த வழக்கறிஞர் ஆவார். அனைத்து கட்சிகளாலும் பாராட்டப்பட்டார். இந்திய அரசியலுக்கு அவர் செய்த பங்களிப்பு நினைவுகூரத்தக்கது. அவரது மனைவி, குழந்தைகள், நண்பர்கள் மற்றும் அபிமானிகளுக்கு எனது இரங்கல் என கூறி உள்ளார்.




Leave a Reply