BREAKING NEWS

இந்தியாவில் குறைக்கப்பட்ட ஒப்போ ஸ்மார்ட்போன்

ஒப்போ நிறுவனத்தின் ஏ5எஸ் ஸ்மார்ட்போன் சமீபத்தில் இந்தியாவில் அறிமுகம் செய்யப்பட்டது. முதற்கட்டமாக 2 ஜி.பி. ரேம், 32 ஜி.பி. மெமரி மாடலும், அதன் பின் 4 ஜி.பி. ரேம், 64 ஜி.பி. மெமரி மாடல் விற்பனைக்கு வந்தது.

ஒரு மாதம் விற்பனைக்கு பின் ஒப்போ ஏ5எஸ் 4 ஜி.பி. ரேம் மாடல் விலை ரூ.1000 குறைக்கப்பட்டுள்ளது. அந்த வகையில் ஒப்போ ஏ5எஸ் 4 ஜி.பி. ரேம் மாடல் ரூ.11,990 விலையில் விற்பனை செய்யப்படுகிறது. முன்னதாக இதன் விலை ரூ.12,990 என நிர்ணயம் செய்யப்பட்டது.

ஒப்போ ஏ5எஸ் 2 ஜி.பி. ரேம், 32 ஜி.பி. மெமரி மாடல் ரூ. 8,990 விலையிலும் 3 ஜி.பி. ரேம், 32 ஜி.பி. மெமரி மாடல் ரூ. 9,990 விலையிலும் விற்பனை செய்யப்படுகிறது. புதிய விலை ப்ளிப்கார்ட், அமேசான், பேடிஎம் மால் மற்றும் ஆஃப்லைன் விற்பனை மையங்களில் ஏற்கனவே அமலாகிவிட்டது.

சிறப்பம்சங்களை பொருத்தவரை ஒப்போ ஏ5எஸ் ஸ்மார்ட்போனில் 6.2 இன்ச் ஹெச்.டி. பிளஸ் வாட்டர் டிராப் நாட்ச் ஸ்கிரீன், கார்னிங் கொரில்லா கிளாஸ் 3 பாதுகாப்பு, ஆக்டாகோர் மீடியாடெக் ஹீலியோ பி35 பிராசஸர், 4 ஜி.பி. ரேம் வழங்கப்பட்டுள்ளது.

ஆண்ட்ராய்டு ஓரியோ மற்றும் கலர் ஓ.எஸ். கொண்டிருக்கும் ஒப்போ ஏ5எஸ் ஸ்மார்ட்போனில் 13 எம்.பி. பிரைமரி கேமரா, 2 எம்.பி. இரண்டாவது பிரைமரி கேமரா, 8 எம்.பி. செல்பி கேமரா வழங்கப்பட்டுள்ளது. பின்புறம் கைரேகை சென்சார் கொண்டிருக்கும் ஒப்போ ஏ5எஸ் ஸ்மார்ட்போனில் பிரத்யேக டூயல் சிம் ஸ்லாட், மைக்ரோ எஸ்.டி. கார்டு ஸ்லாட் மற்றும் 4230 எம்.ஏ.ஹெச். பேட்டரி கொண்டிருக்கிறது.




Leave a Reply