BREAKING NEWS

இந்தியாவில் ஆடி ஏ4 பேஸ்லிப்ட் கார் அறிமுகம்

ஆடி நிறுவனத்தின் புதிய ஏ4 பேஸ்லிப்ட் கார் இந்திய சந்தையில் அறிமுகம் செய்யப்பட்டுள்ளது. இதன் விலை மற்றும் விவரங்களை பார்ப்போம்.ஆடி நிறுவனம் 2019 ஏ4 பேஸ்லிப்ட் காரை இந்திய சந்தையில் அறிமுகம் செய்துள்ளது. புதிய ஏ4 ஃபேஸ்லிஃப்ட் கார் விலை ரூ.41.49 லட்சத்தில் துவங்கி டாப் எண்ட் மாடல் விலை ரூ.45.55 லட்சம் என நிர்ணயம் செய்யப்பட்டுள்ளது.புதிய ஆடி ஏ4 பேஸ்லிப்ட் மாடல் பெட்ரோல் என்ஜின் ஆப்ஷனுடன் அறிமுகம் செய்யப்பட்டுள்ளது.

இதன் டீசல் வேரியண்ட் பின்னர் அறிமுகம் செய்யப்படலாம் என எதிர்பார்க்கப்படுகிறது. ஆடி ஏ4 மாடலின் முன்புறம் மேம்பட்ட பம்ப்பர், ஹெக்சாகோனல் பாக் லேம்ப், பாக்ஸ் சில்வர் இன்சர்ட்கள் வழங்கப்பட்டுள்ளன. இதன் கிரில் முந்தைய மாடலில் உள்ளதை போன்றே காட்சியளிக்கிறது. எனினும், இம்முறை இதில் டார்க் குரோம் பினிஷ் செய்யப்பட்டுள்ளது.காரின் உள்புறத்தில் அதிகளவு மேம்படுத்தப்படவில்லை. எனினும், இதில் டூயல்டோன் இன்டீரியர் பிளாக் மற்றும் அட்லஸ் பெய்க், பிளாக் மற்றும் நௌக்கட் பிரவுன் நிறங்களை கொண்டிருக்கிறது. இதன் டேஷ்போர்டு மற்றும் சென்டர் கன்சோலில் புதிய டெக்ஸ்ச்சர் கொண்ட க்ரோம் இன்சர்ட் செய்யப்பட்டுள்ளது.

புதிய ஏ4 மாடலிலும் 1.4 லிட்டர் நான்கு சிலிண்டர் TFSI மோட்டார் வழங்கப்பட்டுள்ளது. இது 148 பி.ஹெச்.பி. பவர், 250 என்.எம். டார்க் செயல்திறன் வழங்குகிறது. இது மணிக்கு 0 முதல் 100 கிலோமீட்டர் வேகத்தை வெறும் 8.5 நொடிகளில் எட்டிவிடும். மேலும் மணிக்கு அதிகபட்சமாக 210 கிலோமீட்டர் வரை செல்லும் திறன் கொண்டிருக்கிறது.இந்திய சந்தையில் ஆடி ஏ4 மாடல் மெர்சிடிஸ் பென்ஸ் சி கிளாஸ், பி.எம்.டபுள்யூ. 3 சீரிஸ் மற்றும் ஜாகுவார் எக்ஸ்.இ. போன்ற மாடல்களுக்கு போட்டியாக அமைகிறது




Leave a Reply

Your email address will not be published. Required fields are marked *