BREAKING NEWS

இந்தியாவில் அறிமுகமான போக்ஸ்வேகன் அமியோ ஜிடி லைன்

போக்ஸ்வேகன் நிறுவனம் இந்தியாவில் அமியோ ஜிடி லைன் மாடல் காரை அறிமுகம் செய்துள்ளது.

போக்ஸ்வேகன் நிறுவனத்தின் போலோ மற்றும் வென்டோ கார்களின் ஜிடி லைன் வேரியண்ட் அறிமுகமானதைத் தொடர்ந்து அமியோ ஜிடி லைன் வேரியண்ட் அறிமுகம் செய்யப்பட்டுள்ளது.

இந்தியாவில் போக்ஸ்வேகன் அமியோ ஜிடி லைன் மாடல் விலை ரூ.9.99 லட்சம் (எக்ஸ்ஷோரூம்) என நிர்ணயம் செய்யப்பட்டுள்ளது. புதிய அமியோ கார் 110 பி.ஹெச்.பி. திறன் வழங்கும் 1.5 லிட்டர் டீசல் மற்றும் 7ஸ்பீடு டூயல் கிளட்ச் ஆட்டோமேடிக் என்ஜின் கொண்டிருக்கிறது.

வடிவமைப்பில் அமியோ ஜிடி லைன் காரில் ஜிடி லைன் வடிவமைப்பு அம்சங்கள் பின்பற்றப்பட்டுள்ளன. புதிய அமியோ ஜிடி லைன் மாடல் சன்செட் ரெட் எனும் புதிய நிறத்தில் கிடைக்கிறது. முன்னதாக அறிமுகம் செய்யப்பட்ட போலோ மற்றும் வென்டோ கார்களில் புதிய கிரில் மற்றும் பம்ப்பர் வழங்கப்பட்டிருந்த நிலையில், அமியோ ஜிடி லைன் மாடலில் இவை வழங்கப்படவில்லை.

அமியோ ஜிடி லைன் மாடல் ஹைலைன் பிளஸ் டாப்எண்ட் டீசல் ஆட்டோமேடிக் வேரியண்ட்டை தழுவி உருவாகியிருக்கிறது. புதிய காரில் போக்ஸ்வேகன் கனெக்ட் சூட் அம்சம் வழங்கப்பட்டுள்ளது. அமியோ டீசல் மாடல் 5 வருட வாரண்டியுடன் கிடைக்கிறது. பெட்ரோல் வேரியண்ட்களுக்கு நான்கு வருடங்கள் / ஒரு லட்சம் கிலோமீட்டர் வாரண்டி வழங்கப்படுகிறது.




Leave a Reply

Your email address will not be published. Required fields are marked *