BREAKING NEWS

ஆளுநர் பன்வாரிலால் புரோகித் தமிழ்ப்புத்தாண்டு வாழ்த்து

தமிழக ஆளுநர் பன்வாரிலால் புரோகித் தமிழ் புத்தாண்டு வாழ்த்து தெரிவித்துள்ளார்.

ஆளுநர் வாழ்த்து

தமிழகம் முழுவதும் இன்று தமிழ் புத்தாண்டு வாழ்த்துக்கள் கொண்டாடப்படுகிறது. இதையடுத்து, முதல்வர் எடப்பாடி பழனிசாமி, துணை முதல்வர் ஓ.பன்னீர்செல்வம் உள்ளிட்ட தலைவர்கள் வாழ்த்து தெரிவித்துள்ளனர். இந்த நிலையில், தமிழக ஆளுநர் பன்வாரிலால் புரோகித்தும் வாழ்த்து தெரிவித்துள்ளார். அவர் வெளியிட்ட வாழ்த்துச் செய்தியில் கூறியிருப்பதாவது:-

தமிழ் புத்தாண்டு தினம் மகிழ்ச்சியுடன் கொண்டாடப்படும் நாளாகும். இது நமது பாரம்பரியம் மற்றும் கலாசாரத்தின் மேம்பட்ட நிலையின் அடையாளமாக திகழ்கிறது. தமிழ்நாட்டு மக்கள் அன்பு, இரக்கம் மற்றும் வீரம் ஒன்றிணைந்த பண்பின் அடையாளமாக விளங்குகின்றனர். நேர்மையும், ஒழுக்கமும் இவர்களை சமாதானம் மற்றும் நிறைவான வளத்தை நோக்கி வழிநடத்தி செல்கின்றனர். மகிழ்ச்சிகரமான தமிழ் புத்தாண்டு தினத்தில் தமிழ்நாட்டு மக்கள் அனைவருக்கும் எனது வாழ்த்துக்களை தெரிவித்துக் கொள்கிறேன். இந்த வருடம் தமிழ்நாட்டுக்கும், அதன் மக்களுக்கும் மகிழ்ச்சி மற்றும் நம்பிக்கை நிறைந்ததாக திகழ இந்த நாள் உதயமாகட்டும்.

இவ்வாறு அவர் கூறியுள்ளார்




Leave a Reply