BREAKING NEWS

ஆடி கியூ7 பிளாக் எடிஷன் வெளியானது

ஆடி இந்தியா நிறுவனம் தனது கியூ7 காரின் பிளாக் எடிஷனை இந்தியாவில் வெளியிட்டுள்ளது. இதன் விலை மற்றும் விவரங்களை பார்ப்போம்.

ஆடி இந்தியா நிறுவனம் கியூ7 பிளாக் எடிஷன் காரை அறிமுகம் செய்துள்ளது. புதிய லிமிட்டெட் எடிஷன் ஆடி கியூ7 விலை ரூ. 82.15 லட்சம் (எக்ஸ்ஷோரூம்) என நிர்ணயம் செய்யப்பட்டுள்ளது.

புதிய ஆடி கியூ7 பிளாக் எடிஷன் இந்தியாவில் வெறும் 100 யூனிட்களே விற்பனை செய்யப்பட இருக்கிறது. புதிய லிமிட்டெட் எடிஷன் காருக்கான முன்பதிவுகள் ஏற்கனவே துவங்கப்பட்டுவிட்டன. புதிய கியூ7 லிமிட்டெட் எடிஷன் மாடலில் பல்வேறு பிளாக்டு-அவுட் அம்சங்கள் வழங்கப்பட்டுள்ளன.

இது முந்தைய ஸ்டான்டர்டு மாடலை விட கம்பீரமான தோற்றத்தை வழங்குகிறது. காஸ்மெடிக் மாற்றங்களை பொருத்தவரை புதிய ஆடி கியூ7 பிளாக் ஸ்டைலிங் பேக்கேஜ் கொண்டிருக்கிறது. இத்துடன் காரை சுற்றி கருப்பு நிறம் பூசப்பட்டுள்ளது. இதில் ரேடியேட்டர் கிரில் பிரேம் மற்றும் முன்புற கிரில், ஏர் இன்டேக் ஸ்டிரட்களில் டைட்டானியம் பிளாக் கிளாஸ் பினிஷ் செய்யப்பட்டுள்ளது.

புதிய கியூ7 எஸ்.யு.வி. மாலின் டோர் ட்ரிம் ஸ்ட்ரிப்களிலும் டைட்டன் பிளாக் கிளாஸ் செய்யப்பட்டுள்ளது. இத்துடன் குவாட்ரோ எம்பாஸ் செய்யப்பட்டுள்ளது. இதன் கண்ணாடி மற்றும் ரூப்லைனில் ஹைகிளாஸ் பிளாக் பிரேம் மோல்டிங் செய்யப்பட்டுள்ளது. ஆடி கியூ7 ரூப் ரெயில்கள் மற்றும் பிளாக் அலாய் வீல்கள் கொண்டிருக்கிறது.

காஸ்மெடிக் மாற்றங்கள் தவிர புதிய ஆடி கியூ7 பிளாக் எடிஷன் மாடலில் எவ்வித மாற்றமும் செய்யப்படவில்லை. காரின் என்ஜின் ஆப்ஷன்கள் ஸ்டான்டர்டு மாடலில் உள்ளதை போன்றே வழங்கப்பட்டுள்ளது. அந்த வகையில் புதிய லிமிட்டெட் எடிஷன் மாடலிலும் 3.0 லிட்டர் வி6 TDI டீசல் அல்லது 2.0 லிட்டர் நான்குசிலிண்டர் TFSI பெட்ரோல் என்ஜின் வழங்கப்பட்டுள்ளது.

இதன் பெட்ரோல் என்ஜின் 248 பி.ஹெச்.பி. பவர், 370 என்.எம். டார்க் செயல்திறன் வழங்குகிறது. இதன் 3.0 லிட்டர் டீசல் என்ஜின் 245 பி.ஹெச்.பி. பவர், 600 என்.எம். டார்க் செயல்திறன் வழங்குகிறது. இரு என்ஜின்களும் 8ஸ்பீடு டிப்டிரானிக் ஆட்டோமேடிக் கியர்பாக்ஸ் வழங்கப்பட்டுள்ளது.




Leave a Reply