BREAKING NEWS

அமெரிக்காவில் சர்வதேச யோகா விழா தொடங்கியது.

சர்வதேச யோகா தினத்தை முன்னிட்டு அமெரிக்காவின் வாஷிங்டன், நியூயார்க் உள்ளிட்ட முக்கிய பெருநகரங்களில் யோகாசன விழாக்கள் களைகட்ட தொடங்கி விட்டது.

யோகாசன முகாம்கள்

பிரதமர் நரேந்திர மோடி கடந்த 2014-ம் ஆண்டு செப்டம்பர் மாதம் நியூயார்க் நகரில் உள்ள ஐக்கிய நாடுகள் சபையில் பேசும் போது, யோகாவின் பெருமைகள் மற்றும் பயன்பற்றி குறிப்பிட்டு, சர்வதேச அளவில் யோகா தினம் கொண்டாட வேண்டும் என்று கேட்டுக்கொண்டார்.

இதைத்தொடர்ந்து, ஒவ்வொரு ஆண்டும் ஜூன் 21–-ந் தேதி சர்வதேச யோகா தினமாக கொண்டாடப்படும் என்று ஐ.நா.சபை அறிவித்தது. இதை பின்பற்றி உலக நாடுகளில் ஆண்டுதோறும் பல பகுதிகளில் யோகாசன முகாம்கள் நடைபெற்று வருகின்றன. அந்த வகையில், இந்த ஆண்டின் சர்வதேச யோகா தினத்தை முன்னிட்டு அமெரிக்காவின் வாஷிங்டன், நியூயார்க் உள்ளிட்ட முக்கிய பெருநகரங்களில் ஒருவார கால யோகாசன விழாக்கள் களைகட்ட தொடங்கி விட்டது.

சிறப்பு கொண்டாட்டம்

நியூயார்க் நகரில் நடைபெற்ற இரண்டு மணிநேர யோகாசன நிகழ்ச்சியில் அமெரிக்காவுக்கான இந்திய தூதர் சந்தீப் சக்ரவத்தி மற்றும் ஏராளமான உள்நாட்டு மக்களும், இந்தியர்களும் பங்கேற்றனர். சுதந்திர தேவி சிலையின் பின்னணியில் சூரிய நமஸ்காரம், பிராணாயமா உள்ளிட்ட மூச்சு பயிற்சிகளில் அவர்கள் ஈடுபட்டனர். வாஷிங்டன் நகரின் கேப்பிட்டல் ஹில் பகுதி மற்றும் சில முக்கிய பெருநகரங்களில் நான்காவது சர்வதேச யோகா தினம் வெகு சிறப்பாக கொண்டாடப்பட்டு வருகிறது.




Leave a Reply