BREAKING NEWS

அசத்தல் அம்சங்களுடன் எம்.வி. அகுஸ்டா புருடேல் 1000 ஆர்.ஆர்.

எம்.வி. அகுஸ்டா, 2020 எம்.வி. அகுஸ்டா புருடேல் 1000 ஆர்.ஆர்., மோட்டார்சைக்கிள் அறிமுகம் செய்யப்பட்டது. இதன் விவரங்களை தொடர்ந்து பார்ப்போம். சாகசப் பயணங்களுக்கேற்ற மோட்டார்சைக்கிளை உருவாக்கும் எம்.வி. அகுஸ்டா நிறுவனம் புருடேல் 1000 ஆர்.ஆர். மோட்டார்சைக்கிளை அறிமுகம் செய்துள்ளது. இதன் சக்கரங்கள் கார்பன் ஃபைபரால் உருவாக்கப்பட்டு இருக்கிறது.. இதனால் இதன் எடை கணிசமாகக் குறைந்துள்ளது.

கோள வடிவிலான முகப்பு விளக்கு, பெரிய அளவிலான பெட்ரோல் டேங்க், ஒருங்கிணைந்த முகப்பு விளக்கு இவை அனைத்தும் இந்த மோட்டார்சைக்கிளுக்கு கம்பீரமான தோற்றத்தை அளிக்கிறது.இதில் உள்ள 5 அங்குல தொடுதிரை பல்வேறு வசதிகளைக் கொண்டது. அத்துடன் இதில் 8 நிலை டிராக்‌ஷன் கண்ட்ரோல் வசதி, உரிய நிலைகளைத் தேர்வு செய்யும் வசதியும் உள்ளது.

இந்த மோட்டார்சைக்கிளில் 998 சிசி லிக்விட் கூல்டு, இன்லைன் 4 சிலிண்டர் எனஜின் வழங்கப்பட்டுள்ளது.இந்த என்ஜின் 205 பி.ஹெச்.பி. @13,450 ஆர்.பி.எம். மற்றும் 117 என்.எம். டார்க் @11,000 ஆர்.பி.எம். திறனை வெளிப்படுத்தக் கூடியது. இது மணிக்கு அதிகபட்சமாக 299 கிலோ மீட்டர் வேகத்தில் செல்லும். இதன் சஸ்பென்ஷனை அட்ஜெஸ்ட் செய்யும் வசதி உள்ளது. இதன் விலை சுமார் ரூ.25 லட்சமாகும்.




Leave a Reply

Your email address will not be published. Required fields are marked *